«Keıbir grant ıegerleri memleket shyǵynyn jumyspen óteý rásimin aınalyp ótýdiń amalyn tapqan. Olar grant arqyly 3-kýrsqa deıin tegin oqyp, úsh jyl boıy stıpendııa alady. Sodan keıin memlekettik grantty jumyspen ótemeý úshin 4-kýrsta aqyly bólimge aýysatyn bolǵan», dedi A.Aımaǵambetov áleýmettik jelidegi paraqshasynda.
A.Aımaǵambetovtyń aıtýynsha, osyǵan baılanysty grant ıegerin oqytýǵa memleket jumsaǵan shyǵyndardy óteý boıynsha jańa norma engizildi.
«Máselen, stýdent grantta eki jyl oqyp, keıin aqyly bólimge aýysty delik. Bul jaǵdaıda stýdent qansha jyl grantta oqysa, sonsha jyl grantty jumyspen óteýge mindetti bolady. Dál osy norma, aqyly bólimnen grantqa aýysqan stýdentterge de qatysty bolady», dep túsindirdi vedomstvo basshysy.
Buǵan deıin habarlanǵandaı, grantpen oqyǵan túlek óz daıyndyq baǵyty boıynsha jekemenshik uıymdarda esh kedergisiz jumys isteı alady.
Aıta keteıik, 2021 jyldan bastap árbir joǵary oqý orny bilim alǵan azamattarǵa jeke úlgisi boıynsha dıplom beretin bolady.
Endi ár joǵary oqý ornynda beriletin dıplomdardyń barlyǵy birkelki bolmaıdy. Budan bylaı memlekettik úlgidegi dıplomdar berilmeıdi.
