Ádebıet • 18 Qańtar, 2021

Qostanaıda sırek kitaptar kórmesi ashyldy

51 ret kórsetildi

Qostanaıdaǵy oblystyq kitaphanada óńir tarıhynan syr shertetin sırek kitaptar kórmesi ashyldy. Kópshilik oqyrman nazaryna usynylǵan erekshe ekspozısııaǵa 19 ǵasyrda jaryq kórgen kóne kitaptar da qoıylǵan, dep habarlaıdy Egemen.kz.

Kórmedegi kóne kitaptardyń qaı-qaısy da óziniń tarıhı qundylyǵymen erekshelenedi. Olardyń qatarynda A.Kaýfmannyń Qazaqstannyń soltústik aımaqtaryna ishki Reseıden kelip qonystanyp jatqan sharýalardyń turmys-jaǵdaıy týraly esepteri, S.Braınnyń «Amangeldi Imanov – qazaqstandaǵy 1916 jylǵy kóterilistiń kósemi»,  I.Grýshınniń «Jılıaev kóterilisiniń tarıhy» atty eńbekteri, V.Malenhov bastaǵan avtorlardyń «Qostanaı qalasynyń paıda bolýy» atty jınaǵy bar.

«Kórmedegi eń kóne kitap Aleksandr Kaýfmannyń 1897 jyly jaryqqa shyqqan «Torǵaı oblysyna qonys aýdarýshy-jalshylar» dep atalatyn eńbegi. Munda qonys aýdarýshylardyń sharýashylyq turmysy, olardyń jergilikti turǵyndarmen qarym-qatynasy jóninde baıandalǵan. Avtor oblysymyzdaǵy kóptegen etnonımderdiń paıda bolý sebepteri týraly zertteýler júrgizgen», - dedi oblystyq kitaphanadaǵy sırek kitaptar mýzeıiniń meńgerýshisi Gúlshara О́mirǵalıeva.   

a

Mýzeı meńgerýshisiniń sózinshe, kitaphana mundaı qundy kitaptardyń birazyn kezinde jeke turǵyndar men býkınıstik dúkenderden satyp alsa, keıbireýlerin qala turǵyndarynyń ózderi ákelip tapsyrǵan. Sırek kitaptar kórmesine 19-ǵasyrdan qazirgi kezeńge deıingi óńir shejiresin baıandaıtyn 30 shaqty kitap qoıylǵan. Keıbir kitaptar kórme sóresine tuńǵysh ret qoıylyp otyr. Mundaı kitaptardyń qatarynda uly aǵartýshy Ybyraı Altynsarınniń 180 jyldyǵyna arnalǵan birneshe eńbek bar.

«Osy kórme arqyly bıyl birinshi ret belgili ustaz Á.Sydyqovtyń orys tilinde jazylǵan «Ybyraı Altynsarınniń pedagogıkalyq ıdeıalary men aǵartýshylyq qyzmeti» atty eńbegi oqyrman nazaryna usynylyp otyr. Ámirjan Sydyqov Ybyraı atamyzdyń pedagogıkalyq qyzmetine alǵashqylardyń biri bolyp nazar aýdaryp, aǵartýshylyq qyzmetin zertteı bastaǵanyn aıta ketken jón», - dedi mýzeı meńgerýshisi.

v

Kórmedegi sırek kitaptardy syrttaı tamashalap qana qoımaı, kitaphanada otyryp, oqyp, mazmunyna úńilýge ruqsat etilgen. Uıymdastyrýshylardyń aıtýynsha, kitaphanadaǵy kórme jyldyń sońyna deıin turady. Kórme materıaldarymen kitaphana saıty arqyly tanysýǵa da bolady.           

Sońǵy jańalyqtar

Teńge qymbattaıdy

Qarjy • Búgin, 17:30

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

«Qaırat» – qola júldeger

Aımaqtar • 06 Naýryz, 2021

Teńiz kenishinde 5 avtobýs otqa orandy

Aımaqtar • 06 Naýryz, 2021

Uqsas jańalyqtar