Operasııa 18 qańtarda Italııanyń onshaqty qalasynda júrgizilgen. Ustalǵandardyń birqatar qylmystarǵa qatysy bar. Atap aıtqanda olar esirtki satýǵa, zańsyz qarý saqtaýǵa, bopsalaýǵa, kisi óltirýge oqtalý jáne tipti saılaýshylardy satyp alǵan degen kúdikke ilingen.
Tutqyndalǵandardyń arasynda Kalabrııadaǵy Rozarno qalasynyń meri Djýzeppe Ida da bar. Ol qazir úı qamaǵyna alyndy.
Qala meri 2016 jyly jergilikti «Pızano» tobynyń qoldaýymen ádiletsiz saılanǵan bolýy múmkin degen kúdikpen qamalǵan.
Rozarnonyń taǵy bir sheneýnigi Domenıko Skrıva da úı qamaǵynda.
Esterińizge sala keteıik, bir apta buryn Kalabrııada mafııaǵa qatysty sońǵy 30 jyldaǵy eń úlken sot prosesi bastalǵan bolatyn. «Ndrangetanyń» 350-den astam múshesine 400-den astam aıyp taǵylyp otyr.
