Bıylǵy jyldyń maýsym aıynda Shyǵys Qazaqstan oblysy Aıagóz qalasyndaǵy quqyq qorǵaý qyzmetkerleri astanalyq kásipker Ulan Berikhanovty aıýandyqpen óltirdi. Bul týraly «Astana» telearnasy habarlady.
37 jasar kásipker U. Berikhanov sharýashylyǵyn keńeıtý maqsatynda Shyǵys Qazaqstan oblysynan asyl tuqymdy iri qara malyn satyp almaqshy bolady. Aıagóz aýdandyq ishki ister bólimi basshysynyń orynbasary qyzmetin atqarǵan Altynbek Jumabekov oǵan kómektesýge ýáde berip, jergilikti jerge shaqyrǵan. Shyǵysqa tabany tıgen kásipkerdi A. Jumabekov pen qasyndaǵy eki áriptesi qala syrtyna alyp shyǵady da, jelkesinen atady. Sosyn múrdesin órtep jibergen.
Arada bir aıdan asa ýaqyt ótkende qandy qylmystyń beti ashyldy. Tergeý amaldary men sot otyrysy birneshe aıǵa sozyldy. Sot úkimimen 3 qylmysker de shenderinen aıyryldy. Qylmysty uıymdastyrýshy retinde Altynbek Jumabekov 22 jylǵa bas bostandyǵynan aıyrylsa, qasyndaǵy sybaılastary 18 jylǵa temir torǵa qamaldy
Baqytbek Keneshuly.
Derekkóz: «Astana» telearnasy
