Atyraý oblysyndaǵy «Atyraý balyq» AQ ótken jyly bankrot dep tanylǵan bolatyn. Endi bul kásiporyn jalaqy, ótemaqy, zeınetaqy qory men salym tólemderi úshin 105 mln. teńge qaryz bolyp otyr. Bul týraly «Astana» telearnasy habarlady.
Sońǵy on aı ishinde osynda eńbek etken jumysshylardyń zeınetaqy qoryna aqsha aýdarylmaǵan. Ári olar qysqartýǵa baılanysty ótemaqysyn ala almaı álektenip júr. «Qaryz aqshany túbi alasyńdar deıdi. Jyl aıaqtalyp qaldy, endi qashan beretini belgisiz. Jasymyzǵa baılanysty basqa jer de jumysqa qabyldamaı otyr»,-deıdi kásiporynnyń burynǵy jumysshysy Dámeli Temirǵalıeva.
«Atyraý balyq» AQ boryshty óteý úshin bar dúnıe-múlkin saýdaǵa shyǵarýda. Degenmen, ázirge nátıje bolmaı tur. Sondyqtan daýly máselege jaqyn arada núkte qoıylmaıtyn syńaıly.
Baqytbek Keneshuly.
Derekkóz: «Astana» telearnasy
