Medısına • 19 Qańtar, 2021

Jazbasha kelisim talap etedi: Koronavırýsqa qarsy vaksınadan qaýip bar ma

89 ret kórsetildi

Koronavırýs ınfeksııasyna qarsy «Spýtnık V» vaksınasyn salǵyzatyn adamnan mindetti túrde jazbasha kelisim talap etiledi. Mundaı talaptyń baryn QazAqparat tilshisine Densaýlyq saqtaý mınıstrligi sanıtarlyq-epıdemıologııalyq baqylaý komıtetiniń resmı ókili Erjan Baıtanaev aıtty, dep habarlaıdy Egemen.kz

«KVI ekpesin turǵylyqty mekeni boıynsha tirkelgen emhanadan alýǵa bolady. Bul rette qaýip tobyna jatatyn azamattardy ekpe alýǵa ýchaskelik dárigerler shaqyrady nemese jumys oryny men oqý orynyna baılanysty ekpe salý uıymdastyrylýy múmkin», deıdi Erjan Baıtanaev. Onyń aıtýynsha vaksına alý úshin azamattar jazbasha kelisim berýi kerek. Vaksınasııa 21 kúndik aralyqpen eki kezeńde júrgiziledi.

«Osyǵan deıin atalǵan toptarǵa kiretin azamattarǵa ekpe tegin. Sonymen qatar halyqtyń qosymsha osal toptaryn engize otyryp, kontıngentti arttyrý kózdelýde. Atap aıtqanda bul kontıngentke TJM, IIM, Qorǵanys mınıstrligi, UQK, Memlekettik kúzet qyzmeti qyzmetkerlerin engizý josparlanyp otyr», dedi ol.

Aıta keteıik, búgingi Úkimet otyrysynda Densaýlyq saqtaý mınıstri Alekseı Soı vaksına 1 aqpannan bastap egiletinin jáne eń aldymen kimderge salynatynyn aıtqan bolatyn.



Sońǵy jańalyqtar

Pandemııa gúl naryǵyna áser etti

Qazaqstan • Búgin, 21:00

OPEK+ kútpegen sheshim shyǵardy

Qarjy • Búgin, 20:13

Teńge qymbattaıdy

Qarjy • Búgin, 17:30

Uqsas jańalyqtar