Aımaqtar • 19 Qańtar, 2021

SQO «qyzyl aımaqqa» endi

18 ret kórsetildi

Soltústik Qazaqstan oblystyq sanıtarlyq-epıdemıologııalyq baqylaý departamentiniń basshysy Áset Jumataev búgin jýrnalısterge brıfıng berip, oblystyń jaman indet boıynsha «qyzyl aımaqqa» kirgenin málimdedi. Buǵan sebep bolyp otyrǵan sońǵy kezderdegi syrqattar sanynyń kúrt kóbeıýi. Qazir oblysta jaman indetke shaldyqqandar sany 9633 adam. Onyń ishindegi  366 jaǵdaı syrttan kirgenderdiń boıynan shyqqandar, dep habarlaıdy Egemen.kz

Syrqat belgileri 5887 adamnan kóringen, al 3746 adamnyń aýrý belgileri syrtqa bilinbegen. Barlyq syrqattyń - 17%  profılaktıkalyq tekserý kezinde anyqtalǵan.  61% medısınalyq kómekke júgingen adamdar arasynda tirkelgen. Qalǵan - 23%  baılanysta bolǵandar arasynan anyqtaldy.

О́tken táýlikte 71 jaǵdaı tirkeldi, onyń ishinde aýrý belgileri bar 50 jaǵdaı jáne aýrý belgileri joq 21 jaǵdaı. Bul ótken aptanyń bir táýligimen salystyrǵanda  36,5% - ǵa kóp degen sóz. Osynyń ózi oblystaǵy syrqattyń ýshyǵyp bara jatqandyǵy sebepti «qyzyl zonaǵa» kirýge májbúrlep otyr. Aýdandar arasynda eń kóp – 10 syrqat tirkelgen M.Jumabaev aýdany. Petropavl qalasynyń ózinen 31 syrqatty adam tirkelgen.

PTR ádisimen zerthanalyq taldaýlar epıdemıologııalyq kórsetkishter boıynsha 62 azamattan jáne profılaktıkalyq maqsatta ákelingen 2 azamattan jáne epıdqadaǵalaý maqsatynda 7 azamattan alyndy.

Mamandardyń sarabyna qaraǵanda jaman indet barlyq jastaǵylardan tabylǵan. Sonyń ishinde 60 jastan asqandar eń kóp - 28 paıyzdy qurap otyr. Olardyń sany 2738 adam. 50 men 59 jastaǵylar úlesi - 19%, sany 1813 adam. Al 30 ben 39 jastaǵylar arasynda syrqattanǵandar sany 1623.

Kásibı jaǵyna keletin bolsaq, eń kóp indetke ushyraǵandar – jumys isteıtinder. Olardyń úlesi – 34% nemese 3260 adam. Al zeınetkerler barlyq syrqattyń – 25% quraıdy. Jumys istemeıtinder arasynan 1626 adamnyń boıynan syrqat shyqqan.

Syrttan kirgender arasynan syrqatqa ushyraǵandar sany kóptep tabylýda. Sonyń ishinde, ásirese Reseı Federasııasynan kirgender arasynan aýrýǵa ushyraǵandar kóp kezdesken. 2020 jyldyń 6 qazanynan 2021 jyldyń 17 qańtaryna deıin Reseıden beri ótkenderdiń jalpy sany 52566 adam. Sonyń ishinde 224 adamnyń boıynan syrqat shyqqan. Al 350 adamǵa qolynda densaýlyǵy týraly 72 saǵattyń ishinde alynǵan anyqtama bolmaǵandyqtan shekaradan beri ótýge ruhsat berilmegen.

Qazir bizdiń oblysta PSR zertteý jasaıtyn 4 zerthana bar. Osy ýaqytqa deıin olarda– 232270. Sonyń ishinde – 4%, ıaǵnı 9633 adamnyń boıynan syrqat belgileri tabyldy.

Oblys basshylary men dárigerler turǵyndarǵa saqtaný sharalaryn muqııat saqtaýdy únemi eskertip otyrady.

 

Soltústik Qazaqstan oblysy

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar