Balalardy vaksınasııalaýǵa qatysty jalǵan aqparat tarady

Qazaqstan • 20 Qańtar, 2021

Balalardy vaksınasııalaýǵa qatysty jalǵan aqparat tarady

12 ret kórsetildi

Qaznette Dúnıejúzilik densaýlyq saqtaý uıymynyń málimeti boıynsha, balanyń vaksınalaý kúni mektepte bolýy vaksınalaýǵa berilgen kelisimge teń degen aqparat tarady. Bul týraly stopfake.kz habarlady.

Aqmaral AǴZAMQYZY

Shyn máninde, habarlama avtory súıenip otyrǵan mátindi DDU 2014 jyly jarııalaǵan jáne onyń COVID-19 pandemııasyna nemese osy aýrýǵa qarsy vaksınasııalaýǵa esh qatysy joq.

«Sondaı-aq, bul qujat is-qımyl nusqaýlyǵy nemese erejeler jıyntyǵy emes. Taratylyp jatqan postta usynylǵan dáıeksózden alynǵan abzastyń taqyrybynda: "Vaksınasııalaýǵa kelisim alýdyń keń taralǵan joldary" delingen. Odan ári mátinde ár túrli elderde qoldanylatyn jazbasha, aýyzsha jáne boljaldy kelisim alý standarttary sıpattalǵan», dep jazady basylym.

Qazaqstanda balanyń vaksınalaý kúni mektepte bolýy prosedýraǵa berilgen kelisim retinde qarastyrylmaıtyny aıtylady.

"2020 jylǵy 7 shildedegi «Halyq densaýlyǵy jáne densaýlyq saqtaý júıesi týraly» Kodekske sáıkes, QR kez kelgen azamaty «emdelýge jáne basqa da medısınalyq aralasýlardy, onyń ishinde profılaktıkalyq egýlerdi júrgizýge habardar etilgen kelisim berýge nemese olardan bas tartýǵa» quqyly.

Budan basqa, 16 jastaǵy jáne odan asqan balalardyń profılaktıkalyq jáne konsýltasııalyq-dıagnostıkalyq kómek kórsetilýinen habardar túrde bas tartýǵa quqyly. Qoryta aıtqanda, tarap jatqan aqparat jalǵan jáne COVID-19-ǵa qarsy vaksınalaýǵa da, Qazaqstanǵa da esh qatysy joq», delingen habarlamada.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz