Bilim • 20 Qańtar, 2021

Aýyl mektepterin úzdik támamdaǵan túlekterdi ǵana pedagogıka mamandyǵyna shaqyrý durys pa?

783 ret kórsetildi

Búgin Parlament Májilisiniń jalpy otyrysynda depýtat Juldyz Súleımenova mektepterge bilikti kadrlardy tartýǵa qatysty usynys bildirdi, dep habarlaıdy Egemen.kz

J.Súleımenova Bilim mınıstri Ashat Aımaǵambetovtiń atyna joldaǵan depýtattyq saýalynda: «Nur Otan» partııasynyń saılaýaldy baǵdarlamasynda 2025 jylǵa qaraı barlyq mektepterdi muǵalimdermen 100 paıyz qamtamasyz etý qarastyrylǵan. Osy oraıda, Memleket basshysy Qasym-Jomart Toqaevtyń tapsyrmasymen muǵalimderdiń eńbekaqysy júıeli negizde edáýir artty. Sonymen birge, «Pedagog mártebesi týraly» zań – pedagog qyzmetiniń ózekti áleýmettik jáne kásibı máselelerin tıimdi sheshý maqsatynda der kezinde qabyldandy dep bilemiz. Bul quptarlyq jaǵdaı. Biraq bizdiń depýtattyq saýalymyz sapaly pedagog kadrlarmen qamtamasyz etý arqyly mektepterdegi turaqty bilim sapasyn arttyrý máselesine arnalady. Kóptegen halyqaralyq zertteýler boıynsha bul másele pedagog kadrlardyń bilim deńgeıine tikeleı baılanysty ekeni belgili», dedi ol.

Onyń aıtýynsha, mektepterde sapaly kadrlardyń tapshylyǵy ata-analardyń daıyndyq ortalyqtarynda repetıtorlardyń aqyly qyzmetine júginý májbúr etedi.

«Qazirgi pedagog mamandarynyń tapshylyǵy, ótpeli kezeńde mektepte jaqsy oqyǵan túlekterdiń pedagogıkalyq mamandyqqa barmaýyna, al pedagogıkalyq joǵary oqý oryndaryndaǵy stýdentterdiń aýyl mektepterine kelmeýine baılanysty. Osy turǵyda aýyl mektepterin úzdik támamdaǵan túlekterdi pedagogıka mamandyǵyna úgitteý jumystaryn júıelendirip, jandandyrý qajet», dedi depýtat.

Juldyz Súleımenovanyń aıtýynsha, kóp jyldyq tájirıbelerdiń nátıjesinde pedagogıkalyq ýnıversıtetter túlekteriniń kópshiliginde orta mektepterde pándik jáne ádistemelik bilim deńgeıiniń jetkiliksizdigi baıqalady. Osy rette akademııalyq adaldyq qaǵıdattaryna negizdelgen táýelsiz negizde pedagogıkalyq joǵary oqý oryndary bitirýshi túlekteriniń pándik bilim deńgeıin tekserý tetikterin oılastyrý kerek.

«Pedagogıkalyq joǵary oqý oryndarynda qazirgi zamandaǵy jańa ınnovasııalyq pedagogıkalyq tehnologııany, ádis-tásilderdi stýdentterge tıimdi úıretý maqsatynda onlaın negizde elimizdegi novator ustazdardyń avtorlyq kýrstaryn uıymdastyrýdy usynamyz», dep túıindedi Juldyz Súleımenova.

Sońǵy jańalyqtar

Jańa basylym – jaqsylyqtyń jarshysy

Rýhanııat • Búgin, 18:34

Koronavırýs gúl arqyly juǵa ma?

Koronavırýs • Búgin, 17:08

Almatyda páter urylary ustaldy

Aımaqtar • Búgin, 16:37

Oralda 17 jastaǵy jigit kópirden sekirdi

Aımaqtar • Búgin, 15:18

«Nissan Primera» kóligi jylqy soqty

Aımaqtar • Búgin, 13:25

Uqsas jańalyqtar