Esterińizge sala keteıik, Ulttyq Bank 2017 jyly tazartylǵan altynmen ólshengen quımalardy satý jáne satyp alý boıynsha halyqqa arnalǵan baǵdarlamasyn iske qosty. Siz altyn quımalardy Halyq bankinde, Eýrazııalyq bankte, Jýsan Bank, Bank Sentr Kredıtte, sondaı-aq keıbir banktik emes aıyrbastaý pýnktterinde satyp alýǵa jáne satýǵa bolady. 2017 jyldan bastap jalpy salmaǵy 1,57 tonnany quraıtyn 42 579 altyn quımasy satyldy. Altyn quımalar 5, 10, 20, 50 jáne 100 grammnan turady.
2020 jyly satyp alýshylar arasynda 100 grammdyq quımalar suranysqa ıe boldy. Jalpy satylymdaǵy onyń úlesi 2020 jyly 28% - 5 859 dana. Odan keıin 20 gramm - 5 634 dana (27%) jáne 10 gramm - 4 994 dana (24%), 50 gramm - 2 622 dana (12%), 5 gramm - 1 990 dana (9%). Negizinen ólshengen quımalar Almaty, Nur-Sultan jáne Atyraý qalalarynda satylǵan.
Baǵdarlama bastalǵannan beri jalpy salmaǵy 3,4 kg bolatyn 131 ólshengen quıma satyp alýǵa qabyldandy. Bul altyn quımalary uzaq merzimdi ınvestısııalaý men jınaqtaý quraly bolyp tabylatyndyǵyna baılanysty. Ár quıma qorǵanys elementterimen (quımalardyń aına betimen, mıkrotekstpen jáne relefti jıekpen) jáne quımalardy mehanıkalyq zaqymdanýdan qorǵaıtyn jáne pakettiń ashylǵan-ashylmaǵandyǵyn tekserýdi jeńildetetin arnaıy qaptamada shyǵarylady. Qorǵanys qaptamasy sonymen qatar quıma úshin sapa sertıfıkaty bolyp tabylady. Sondyqtan quımany muqııat saqtap, oramany ashpaǵan jón.
