«Eýrazııalyq úkimetaralyq keńestiń otyrysy 5 aqpanda ótedi, bul kózdesý onlaın emes, dástúrli, oflaın formatynda ótedi», – dedi ol sársenbidegi brıfıngte.
Sonymen birge Digital Almaty sıfrlyq forýmy ótedi, onyń sheńberinde komıssııanyń basqarma tóraǵasy Mıhaıl Mıasnıkovıch sóz sóıleıdi dep josparlanǵan. EEK baspasóz qyzmeti túsindirgendeı, aldaǵy úkimetaralyq keńestiń kún tártibi 29 qańtarda EAEO keńesiniń otyrysynda bekitiledi. 2014 jylǵy 29 mamyrdaǵy Eýrazııalyq ekonomıkalyq odaq týraly kelisimge sáıkes, Eýrazııalyq úkimetaralyq keńes Joǵary Eýrazııalyq ekonomıkalyq keńestiń kelisimi men sheshimderiniń oryndalýyn baqylaýdy qamtamasyz etedi. Sonymen qatar, keńes EEK-ke nusqaýlar beredi jáne Odaq sheńberinde kelisimderde kózdelgen basqa da ókilettikterdi júzege asyrady. Keńes Odaqqa múshe memleketter arasyndaǵy ıntegrasııalyq yntymaqtastyqtyń irgeli máseleleriniń mańyzdy bóligin de qarastyrady.
