Qazaq teatry 2000 jyldyń 14 qyrkúıeginde Tuńǵysh Prezıdent Nursultan Nazarbaevtyń qatysýymen ashylǵan bolatyn.
Arhımed Muhambetov pen oblystyq mádenıet basqarmasynyń basshysy Erlan Qalmaqov teatr janyndaǵy mýzeıge arnaıy kirdi. Munda teatr tarıhyna qatysty qundy eksponattar saqtalǵan.
– Osy ýaqyt ishinde teatrdyń shyǵarmashylyq ujymy kórermenderin mazmundy repertýarymen qýantyp keledi. Ár jyldary respýblıkalyq, halyqaralyq festıvalderge qatysyp, el aýmaǵynda jáne shetelderde gastroldik saparlarmen aralap qaıtty. Teatr ujymyna aldaǵy ýaqytta da zor shyǵarmashylyq tabystar tileımin! – dedi teatr ártisterimen kezdesken aımaq basshysy.
Kezdesý barysynda oblys basshysy teatr ártisteri Meıram Japarov, Baqytjan Tańatqanuly, Oljas Begaıdarov, Azamat Shúkeev, Gúlnar Shaımerdınovalarǵa «Mádenıet salasynyń úzdigi» tósbelgisin, Marǵaısha Sabyrjanovaǵa «Eńbek ardageri» medalin, Shaharbaný Esenǵulovaǵa Mádenıet jáne sport mınıstrliginiń Qurmet gramotasyn, Móldir Qubash, Nurlybek Kenjeahmetov, Bahytkúl Hamıtqyzy syndy jas ártisterge Mádenıet jáne sport mınıstrliginiń alǵys hatyn tabys etti. Teatrdyń birneshe qyzmetkeri oblys ákiminiń gramotasymen nagradtaldy.
Saltanatty jıynda oblys ákimi teatr basshysyna aýdandarǵa gastroldik saparǵa jıi shyǵyp turýdy tilek etip, avtobýs sertıfıkatyn ustatty.
Qostanaı oblysy
