Úkimet • 21 Qańtar, 2021

О́ńir ahýalymen tanysty

7 ret kórsetildi

Keshe Premer-Mınıstr Asqar Mamın jumys saparymen Soltústik Qazaqstan oblysyna bardy. Úkimet basshysy jumys sapary aıasynda ınvestısııalyq jobalardyń iske asyrylýymen tanysyp, óńirdiń áleýmettik-ekonomıkalyq damýy jóninde keńes ótkizdi. Sondaı-aq Petropavl qalasyndaǵy «Qyzyljar» AEA aýmaǵynda elektr tehnıkalyq ónimin óndiretin jańa zaýyttyń qurylysyn kórdi. Bul jobanyń quny – 10 mlrd teńge. Kásiporynnyń qýattylyǵy jylyna 13 myń transformator shyǵarýǵa jetedi jáne 300 jańa jumys ornyn ashady.

Osydan keıin A.Mamın Petropavl aýyr mashına jasaý zaýytyna bardy. Bul KSRO qorǵanys zaýyttarynyń Pet­ropavlǵa ornatylǵan bes zaýytynyń ishin­degi eń al­dyńǵy qatarlysy bolǵan edi. Qazir onyń aýma­ǵynda tez buzylatyn azyq-túlik ónimderin tasymaldaýǵa arnal­ǵan termos-vagondar qu­rastyratyn jańa óndiris orny ashylǵan. Jobalyq qýat­tylyǵy jylyna 1200 vagon óndirýge qabiletti jáne 200 adamdy jumyspen qamtıdy.

Premer-Mınıstrdiń sapary «Sol­tús­tik faner kombınaty» JShS-de jalǵasty. Munda lamınattalǵan faner óndiriledi. Kásiporyn qazirdiń ózinde 150 adamdy ju­myspen qamtyp otyr. Al jobalyq qýaty tolyq kúshine engende jylyna 27 myń tekshe metr ónim shyǵarady jáne qosymsha jumys oryndary ashylatyn bolady.

Qyzyljardaǵy taǵy bir mańyzdy nysan – 510 oryndyq kópbeıindi aýrýha­na. JCI halyqaralyq standarttaryna sáıkes salynyp jatqan aýrýhana qury­lysy qalanyń «Shyǵys» shaǵyn aýdanyn­da júrgizilip jatyr. Úkimet basshysy jańa nysannyń qurylysyna qanaǵat­tanatynyn bildirdi. Bul jobany memleket-jekemenshik áriptestigi aıasynda «YDA Holding» túrik ınvestory júzege asyrýda. Tolyǵymen 2022 jyldyń sońyna qaraı aıaqtalady.

A.Mamın Qyzyljar aýdanynyń Cha­paevo aýylyndaǵy «Qyzyljar Sút» JShS-niń jańa sıfrlandyrylǵan taýar­ly sút fermasynda da boldy. Fermanyń qýat­tylyǵy – jylyna 3,6 myń tonna sút.

Jumys saparynyń qorytyndysy boıynsha Premer-Mınıstr Soltústik Qazaqstan oblysynyń áleýmettik-ekonomıkalyq damýy jáne aldaǵy kezeńge arnalǵan perspektıvalary jóninde keńes ótkizdi. О́ńir ákimi Qumar Aqsaqalov, Aýyl sharýashylyǵy mınıstri Saparhan Omarov, Indýstrııa jáne ınfraqurylymdyq damý mınıstri Beıbit Atamqulov, Densaýlyq saqtaý mınıstri Alekseı Soı, Eńbek jáne halyqty áleýmettik qorǵaý mınıstri Serik Shápkenov, Bilim jáne ǵylym mınıstri Ashat Aımaǵambetov, Ulttyq ekonomıka vıse-mınıstri Ermek Alpysov jáne Qarjy birinshi vıse-mınıstri Berik Sholpanqulov baıandama jasady.

«Soltústik Qazaqstan oblysy agro­ónerkásiptik keshende, óńdeý ónerkásibinde jáne basqa da salalarda úlken áleýetke ıe. О́ńirdiń odan ári áleýmettik-ekonomıkalyq damýyna, básekege qabilettiligin art­ty­rýǵa, halyqtyń turmys sapasy men ál-aýqa­tynyń joǵary bolýyn qamtamasyz etýge eleýli serpin berýi qajet», dedi A.Ma­mın.

2020 jyldyń qorytyndysy boıynsha Soltústik Qazaqstan oblysynyń aýyl sharýashylyǵyndaǵy jalpy ónim kólemi 779 mlrd teńgeni qurady, bul ótken jylǵydan 27%-ǵa joǵary, ónerkásiptik ónim óndirý kólemi – 306 mlrd teńge. Negizgi kapıtalǵa salynǵan ınvestısııalar kólemi 20,5%-ǵa, ıaǵnı 281 mlrd teńgege deıin ulǵaıdy.

 

Soltústik Qazaqstan oblysy

 

Sońǵy jańalyqtar

Pandemııa gúl naryǵyna áser etti

Qazaqstan • Búgin, 21:00

OPEK+ kútpegen sheshim shyǵardy

Qarjy • Búgin, 20:13

Teńge qymbattaıdy

Qarjy • Búgin, 17:30

Uqsas jańalyqtar