Bıyl 1,7 myń stýdentke arnalǵan taǵy eki ǵımarattyń qurylysy bastaldy. Osyǵan oraı qala ákimi B.Saǵyntaev jumys sapary kezinde D.Qonaev atyndaǵy Eýrazııalyq zań akademııasynyń kópsalaly keshenimen tanysty.
Qala ákimi Instagram-daǵy óziniń paraqshasynda qaladaǵy joǵary oqý oryndaryndaǵy stýdent jastardyń ómir súrý jaǵdaılaryn jaqsartý úshin jataqhanalar salyp jatqanyn aıtty. Bul – Elbasynyń «Bes áleýmettik bastamasyndaǵy» negizgi mindettiń biri. «Almaty – jastar qalasy. Sondyqtan bilim alyp júrgen jastardyń ómir súrý men turmys jaǵdaıyn jaqsartý jumystaryn jalǵastyra beremiz», dep atap ótti Almaty ákimi.
D.Qonaev atyndaǵy Eýrazııalyq zań akademııasynyń kópsalaly kesheninde 100 stýdentke arnalǵan oryn, oqytýshylarǵa arnalǵan bólmeler, sondaı-aq ashana, kıim jýatyn oryn, kitaphana, medısınalyq pýnkt, ınternet-synyptar qarastyrylǵan.
