Osyǵan oraı, 2021 jyly 19 qańtar kúni Áskerı-teńiz kúshteriniń baǵynyshty bólimderi men bólimsheleri jáne keme komandırleriniń tárbıe jáne ıdeologııalyq jumystar jónindegi orynbasarlarynyń qatysýymen saltanatty jıyn uıymdastyryldy.
Saltanatty jıyn barysynda qatysýshylarǵa Qarýly Kúshterimizdiń, onyń ishinde tárbıeshi-ıdeolog ofıserler ınstıtýtynyń tarıhy tanystyrylyp, damý tarıhyna at salysqan aldyńǵy býyn aǵa ofıserlerdiń eńbekteri beıne materıalda kórsetildi.
Sonymen qatar tárbıe jáne ıdeologııalyq jumystardyń ár alýan salalary boıynsha, ıaǵnı jeke quramdy psıhologııalyq daıyndyq, áskerı tártip pen ıdeologııalyq jumystardyń baǵyttary boıynsha baıandamalar oqyldy. Onyń ústine qyzmeti san qyrly bolyp keletin Áskerı-teńiz kúshterindegi tárbıe jáne ıdeologııalyq jumysty uıymdastyrýdyń erekshelikteri men qazirgi zaman talabyna saı sheshýin tabatyn túıindi máseleler qarastyryldy.
Jıyn barysynda 29011 áskerı bóliminiń komandıri 2 dárejeli kapıtan Danııar Haırýshev «Tártipke baǵynǵan qul bolmaıdy» - dep batyr Baýyrjan Momyshuly atamyzdyń sózin keltire otyryp, jaýyngerlik daıyndyqty joǵary ustaý úshin áskerı tártiptiń myqty bolýynyń mańyzyn aıta ketip, qyzmet barysynda ynta-jigeri men úlgili tártibi úshin kózge túsken tárbıeshi-ıdeolog ofıserlerdi baǵaly syılyqtar jáne madaqtamalarmen marapattady.
Saltanatty jıyn sońy uly oıshyl Abaı Qunanbaevtyń 175 jyldyǵyna arnalǵan is-sharamen ulasyp, barlyq sanıtarlyq-epıdemıalogııalyq sharalarymen talaptaryn saqtaı otyryp Nurmuhan Jantórın atyndaǵy Mańǵystaý oblystyq Mýzykalyq drama teatrynda ótken «Qunanbaı men Abaı» syrlasý atty spektakldiń premerasyn tamashalady.
