«2020 jyldyń 12 aıynda gazǵa qosylmaǵan úılerdiń sany 60%-ǵa qysqardy. Qalǵan 350 úıdiń 57-si qosylýǵa daıyn, qosylmaı qalǵan úılerge ishki montajdyq jumystaryn júrgizý jáne úı qurylysyn zańdastyrý qajet.
Bıznestiń áleýmettik jaýapkershiligi aıasynda 2020 jyldyń basynda demeýshilik qarjy esebinen 14 úı gaz jabdyǵyna qosyldy», - dep atap ótti ol.
Sondaı-aq, halyqtyń ómir súrý sapasyn arttyrý jónindegi jumystar aıasynda sýmen jabdyqtaý jáne káriz júıeleri damýda.
Búgingi tańda 2500-den astam úıdi qamtıtyn "Álmerek", "Qaırat", "Nurshashqan" úsh shaǵyn aýdany boıynsha sýmen jabdyqtaý jáne sý burý jelileriniń qurylysy aıaqtalýda. Sonymen birge, Fızýlı, Ogarev, Menjınskıı kóshesi, «Altaı-1» yqsham aýdanynda 3,5 shaqyrym sý jabdyǵynyń qubyry aýystyryldy. 8 myńnan astam úıdi qamtıtyn «Jas Qanat», «Shýaqty» y/a, Tómengi Pıatıletka aýmaǵynda jáne Zakarpatskaıa kóshesiniń kommýnıkasııa qurylysy boıynsha JSQ ázirlenýi aıaqtalýda.
Sonymen qatar, qosylǵan shaǵyn aýdandardy turaqty elektrmen jabdyqtaýdy qamtamasyz etý úshin «Nurshashqan», «Álmerek» jáne «Qaırat» shaǵyn aýdandarynda 4 qosalqy stansııa ornatyldy. «Álmerek», «Qaırat», «Nurshashqan» jáne «Shýaqty».shaǵyn aýdandarynda elektrmen jabdyqtaýdyń jobalyq-smetalyq qujattamasy ázirlenýde.
2020 jyly uzyndyǵy 9,8 shaqyrym 14 kóshege ortasha jóndeý júrgizildi jáne uzyndyǵy 12,8 km 10 kóshe boıynsha trotýarlar salyndy. "Nurshashqan", "Álmerek" jáne "Qaırat" shaǵyn aýdandaryndaǵy 74 kóshede 50 shaqyrym jol salý boıynsha jobalaý-smetalyq qujattama ázirlendi. Jumystar bıyl bastalady.
«Halyqtyń qaýipsizdigin qamtamasyz etý jáne jol-kólik oqıǵalarynyń qaýpin azaıtý úshin bilim berý jáne densaýlyq saqtaý obektileriniń janyndaǵy problemalyq ýchaskelerge túgendeý júrgizildi. Tekserý qorytyndysy boıynsha 2020 jyly 29 mektep pen 7 emhananyń janynda jaıaý júrginshiler ótkeli, jol belgileri ornatylyp, «Jolaq» belgisi qoıyldy», - dedi aýdan ákimi.
