Pandemııa bastalǵaly beri Almatyda COVID-19-dyń 21 276 oqıǵasy tirkeldi. 100 myń turǵynǵa shaqqanda juqtyrý kórsetkishi-1065,6.
Osy jyldyń qańtar aıynyń sońǵy 3 aptasyndaǵy jas quramy jáne juqtyrý oryndary:
• 35,4% - 20-39 jas aralyǵynda, 27,4% - 40-59 jas aralyǵynda, 21,5% - 60 jas jáne odan joǵary;
• 39,6% - qoǵamdyq oryndarǵa barý, 27,5% - otbasyndaǵy KVI juqtyrǵan naýqaspen baılanys, 20,3% - kólikte. Sonymen qatar, otbasyndaǵy is-sharalarda (qudalyq jáne t.b.) juqtyrýdyń kóbeıgeni atap ótildi.
COVID-19-ben stasıonarlyq emdeýde 909 adam jatyr: 745-iniń jaǵdaıy ortasha aýyr, 149-y aýyr jaǵdaıda, 15-i óte aýyr jaǵdaıda. KVI belgileri bar 596 naýqas úıde baqylaýǵa alynǵan. Esterińizge sala keteıik, Almatyda barlyǵy 7011 tósek-oryn daıyndalǵan, onyń ishinde KVI-men aýyratyn naýqastar úshin -1866 oryn bar.
Almatyda sanıtarlyq-epıdemııalyq sharalardyń saqtalýyn baqylaý aıasynda 32 monıtorıngtik top jumysyn jalǵastyrýda. Qańtar aıynyń basynan karantındik sharalardyń saqtalýyn tekserý boıynsha 305 is-shara ótkizildi, 2305 nysan qamtyldy, 153 nysanda tártip buzý anyqtaldy. Bul faktiler boıynsha tıisti materıaldar berilýde.
Sonymen qatar, 2021 jylǵy 17-24 qańtar aralyǵynda bir apta ishinde 101 reıd júrgizildi, 775 nysan qamtyldy, karantındik sharalar buzylǵan 77 nysan anyqtaldy. Sondaı-aq, ótken aptada barlyq aýdandardyń HQKO-ry men mamandandyrylǵan HQKO-ry, qoǵamdyq kólik, áýejaı jáne basqa da qoǵamdyq oryndar tekserildi.
Kásipkerlik sýbektileri pandemııa kezeńinde qaýipsizdik sharalarynyń talaptaryn múltiksiz saqtaýy qajet — bul qyzmetkerler men kelýshilerdiń termometrııasy, áleýmettik qashyqtyq pen betperde rejımin saqtaýdy, jeke qorǵanys quraldarynyń (betperdeler, qolǵaptar) aýystyrylýyn, sanıtaızerlerdiń jáne dezınfeksııalaý quraldarynyń qorynyń bolýyn, úı-jaılardyń jeldetilýin qamtamasyz etý. Joǵaryda atalǵan talaptardyń buzylýy uıym qyzmetkerleri arasynda syrqattanýshylyqqa jáne kásiporyndardyń jumysyn toqtatýǵa ákep soǵady.
