Keńeste departament elimizdiń temir jol jáne áýe kóligi obektilerindegi jedel jaǵdaıdyń jaı-kúıine tıisti baqylaýdy qamtamasyz etý maqsatynda el Prezıdenti men Ishki ister mınıstri qoıǵan mindetterdi oryndaý boıynsha tıisti is-sharalar qabyldap jatqany týraly aıtyldy.
«Jalpy, Departamenttiń qyzmet kórsetý ýchaskesinde ótken jyly barlyǵy 1484 qylmystyq quqyq buzýshylyq, onyń ishinde 742 qylmys jáne 742 teris qylyq tirkeldi.
Júrgizilgen keshendi uıymdastyrý-praktıkalyq sharalardyń nátıjesinde quqyq buzýshylyqtar sanyn 30,8%-ǵa, onyń ishinde aýyrlyǵy ortasha sanattaǵy qylmystardyń 50,9%-ǵa jáne onsha aýyr emes qylmystardy 12%-ǵa tómendetýge qol jetkizildi. Sondaı-aq bótenniń múlkin urlaý qylmysynyń sany 50,7%-ǵa jáne alaıaqtyq 13,8%-ǵa tómendedi. Qylmystyń jalpy ashylýy 87%-dan asty.
Departamenttiń aýmaqtyq bólinisteriniń kúshimen 415 esirtki qylmysy, onyń ishinde 29 ótkizý faktisi anyqtaldy. Zańsyz aınalymnan 164 kg esirtki zaty tárkilendi», dedi Ońal Bekeev.
Departament bastyǵynyń aıtýynsha, Elbasynyń usaq quqyq buzýshylyqtarǵa, tártipsizdikterge «múldem tózbeýshilik» qaǵıdatyn iske asyrý maqsatynda ótken jyly aýqymdy profılaktıkalyq jumystar júrgizildi. Sonyń nátıjesinde túrli quqyq buzýshylyqtar úshin 43569 azamat ákimshilik jaýapkershilikke tartyldy. Sondaı-aq kóshi-qon zańnamasyn buzǵany úshin 465 sheteldik ákimshilik jaýapkershilikke tartyldy.
Keńes barysynda el Prezıdenti Q.Toqaevtyń Joldaýyndaǵy basymdyqtardy júzege asyrýǵa basa nazar aýdaryldy. Budan soń birqatar jelilik bólinis basshylarynyń esepteri tyńdaldy.
Sonymen qatar, basqosýda kadr saıasatyn jetildirý, qyzmettik-jaýyngerlik daıarlyqty nyǵaıtý, tártip pen zańdylyq, jeke quram arasynda sybaılas jemqorlyq quqyq buzýshylyqtardyń aldyn alý máseleleri de keńinen talqylandy.
Jedel keńes sońynda kólik polısııasynyń úzdik qyzmetkerleri marapattaldy.
