Hokkeı • 26 Qańtar, 2021

Dańqty Ýeın Gretskı 60 jasqa toldy

4 ret kórsetildi

Búgin álemdegi eń ataqty hokkeıshileridiń biri Ýeın Gretskıdiń týǵan kúni. Uzaq jyldar boıy teńdessiz ónerimen tórtkúl dúnıeni jankúıerlerin tamsandyrǵan oıynshy 60 jasqa tolyp otyr, dep habarlaıdy Egemen.kz

Ýeın 1961 jyldyń 26 qańtarynda Kanadanyń Ontarıo shtatyna qarasty Branford qalasynda týdy. 1978-1999 jyldar aralyǵynda «Edmonton Oılerz», «Los-Andjeles Kıngz», «Sent-Lýıs Blıýz» jáne «Nıý-Iork Reındjeres» klýbary sapynda óner kórsetken ol kóptegen tolaǵaı tabystar men rekordtyq kórsetkishke qol jetkizdi. Atap aıtsaq, Kanada kýbogyn – úsh, Stenlı kýbogyn – tórt ret utty. Ulttyq hokkeı lıgasynyń eń qundy oıynshysy ataǵyn toǵyz ret ıelense, eń mergen shabýylshyǵa tıesili arnaıy syılyqty 10 márte oljalady. Túrli saıystarda 61 rekordty jańartty. «Juldyzdar matchynda» alty márte óner kórsetip, 14 goldyń avtory atandy. Bul da rekord! UHL-da barlyǵy 1487 ret muz aıdynyna shyǵyp, 894 gol soqty. Taǵy 1 963 ret nátıjeli pas berdi.

Kezinde álemniń eń úzdik hokkeıshisiniń biri sanalǵan Mark Messeniń ózi aıtýly azamatty «Endi Gretskıdeı oıynshynymen qaıta qaýyshýymyz neǵaıbyl. Ol júz emes, myń jylda bir qaıtalanatyn keremet qubylys!» dep baǵalaǵan edi.

1999 jyly 38 jastaǵy Ýeın Gretskı úlken sporttan qol úzgennen keıin onyń esimi Hokkeı dańqy zalyna altyn áriptermen jazyldy. 2006-2009 jyldar aralyǵynda dańqty oıynshy «Fınıks Koıotıs» klýbyn jattyqtyrdy. Qazirgi kezde Gretskı bıznestiń bel ortasynda júr.    

Sońǵy jańalyqtar

Pandemııa gúl naryǵyna áser etti

Qazaqstan • Búgin, 21:00

OPEK+ kútpegen sheshim shyǵardy

Qarjy • Búgin, 20:13

Teńge qymbattaıdy

Qarjy • Búgin, 17:30

Uqsas jańalyqtar