«Bıyl Táýelsizdigimizdiń 30 jyldyǵyn atap ótemiz. Osyǵan oraı qolǵa alynǵan reformalardy qarqyndy túrde júzege asyrýymyz kerek. Mereıtoı kezinde artyq dańǵaza men ysyrapshyldyqqa jol berilmeıdi. Biz osy sharalar arqyly birlik pen kelisimdi nyǵaıtyp, óskeleń urpaqtyń boıyndaǵy patrıotızmdi damytýǵa tıispiz. Olardy egemendigimizdiń jáne memlekettimizdiń qundylyqtaryn baǵalaı bilýge úıretýimiz qajet. Sondyqtan men «Táýelsizdik bárinen qymbat» atty maqalamda qazirgi ıdeologııalyq baǵdarlamalardy naqty atap kórsettim. Bizdiń maqsatymyz – azamattarymyzdyń turmys sapasyn jaqsartyp, tabysyn arttyrý. Memleketik organdardyń árbir sheshimi, árbir áreketi ekonomıkany damytýǵa jáne halyqtyń ıgiligine arnalýǵa tıis. Bul bizdiń qolymyzdan keledi», dep túıindedi Prezıdent Qasym-Jomart Toqaev.
Eske sala ketsek Memleket basshysy Qasym-Jomart Toqaevtyń tóraǵalyǵymen Úkimettiń keńeıtilgen otyrysy ótti. Onlaın formattaǵy jıynda eldiń áleýmettik-ekonomıkalyq damýynyń 2020 jylǵy qorytyndylary men aldaǵy jospary talqylandy.
