Osydan 6 jyl buryn «Aqbulaq» baǵdarlamasy boıynsha jalpy quny 176,5 mln teńge qarjyǵa 4 jarym shaqyrym jerden qubyr tartylyp, aýylǵa aýyz sý taratatyn bıik sý munarasy ornatylǵan bolatyn. Tushy sý toraby jeti jylǵa jetpeı belinen maıyrylyp, jýan basyn jerge ıip, qar jastanyp qaldy. Aýylǵa sý qubyryn týrtý jumystaryn «GSM Capital Group» jáne «Stroıtel–2003» dep atalatyn eki seriktestik oryndaǵan.
Aýyl ákimi Ashat Zeınoldın 24-shi qańtar kúni qulaǵan qubyr týraly tıisti mekemelerge habar jibergen.
– Árıne, ókinishti jaǵdaı. Biraq áleýmettik jelige tarap ketken «Qubyr qırap, aýyl aýyz sýsyz qalady» degen aqparat shyndyqqa janaspaıdy. Aýylǵa aýyz sý ýaqyt kestesi boıynsha berilip otyr. Ázirge turǵyndar burynǵydaı táýlik boıy sý ala almaıdy. Qulaǵan munaranyń jaǵdaıy arnaıy saraptamadan soń belgili bolady. Tıisti mekemelerge, merdiger uıymǵa habarlastyq. Oblystan mamandar shaqyrtyldy. Apattyń naqty sebebin sol kisiler aıtady. Eń bastysy, qazir aýyl aýyz sýsyz otyrǵan joq, – dedi aýyl ákimi.
