Aımaqtar • 26 Qańtar, 2021

Taýarly sút fermasyn salýǵa 40 mln dollar ınvestısııa tartylmaq

28 ret kórsetildi

Almaty oblysynda taýarly sút fermasynyń sany kóbeıip keledi. Búginde osyndaı 82 sharýashylyq mal basyn ósirip, óndiriske qajetti ónim daıyndap otyr eken. Al aımaqtaǵy sútti sıyrdyń sany 25,7 myń basqa jetken, dep habarlaıdy Egemen.kz

Jalpy, ótken jyldyń deregi boıynsha oblysta 547,5 myń tonna taza sút saýylǵan. Onyń ishinde 89 myń tonna aǵardy joǵaryda aıtqan taýarly-sút fermalary daıyndapty. Endi bul kórsetkishti 92 myń tonnaǵa deıin jetkizý maqsaty tur. Osy baǵytta jumylyp jumys bastaǵan sharýalardyń bir toby Panfılov aýdanynda eńbek etip otyr. Olardyń sút óndirisi baǵytyndaǵy qadamdary nátıjesiz emes eken.

Mysaly, Jarkent óńirinde aýyl sharýashylyǵy ónerkásibin jandandyrýǵa úles qosyp otyrǵan sharýashylyqtardyń aldyńǵy leginde «Kóktal Agro» seriktestigi tur. Byltyr osy seriktestik 2,5 mlrd teńge ınvestısııa tartyp, jańadan taýarly sút fermasyn ashqan bolatyn. Qazir munda 110 bas asyl tuqymdy saýyn sıyr bar. Kúıi kelisken oısylqara tuqymyn kúnine birneshe márte saýǵanda, jalpy kólemi 2600 lıtr sút jınaldy eken. Aǵarǵandy  Taldyqorǵan qalasyndaǵy «JLC sút» zaýytyna jóneltedi. Seriktestik basshylyǵy sút óndirisiniń aıasyn keńeıtpekshi. Jaqynda Avstrııa elinen 189 bas tuqymy asyl saýyn sıyr satyp ákelipti.

«Altyn shyqqan jerdi belden qaz» degendeı, panfılovtyq sharýalar taýarly sút fermasyn ashýdyń tıimdiligin túsinip, taǵy bir óndiris orynyn ashpaqshy. Aýdandaǵy «Al Cut» seriktestigi de óz fermasynyń irgesin kóterip jatyr eken. Jer aıaǵy keńı sala qurylys bastalatyn taýarly sút fermasyn salýǵa 40 mln AQSh dollary kóleminde ınvestısııa quıylýy tıis. Zamanaýı úligide jumys isteıtin sút fermasynyń qurylysy úsh kezeń boıynsha júrgizilip, 2023 jyly tolyqtaı aıaqtalmaq.

Qazir «Al Cut» seriktestigi 1200 bas iri qara satyp alýǵa kelisim shart jasasyp ta qoıypty. Al aýdan ákimdigi óndiris orynyn ashýǵa arnaıy oryn bólip otyr. Munyń syrtynda mal baǵý men jem-shóp ósirýge de qolaıly jer berilgen eken. Endi bolashaq taýarly sút fermasynyń aýmaǵy 87 gektarǵa jetip, basqa da qajettilik úshin 2400 gektar sýarmaly jer jáne ıgerilmek. Búginde qajetti orynǵa 87 gektar men 2400 gektar sýarmaly jer bólingen. Ferma jumysyn bastaǵan sátte sút fermasynda 100 adamǵa deıin jumys oryny ashylsa, kúrdeli jem óndirýge taǵy 150 adam jumyspen qamtylmaq.

– Jazıraly Jarkent óńirinde mal basy kóbeıip, egin túsimi artyp otyr. О́tken jyly aýyl sharýashylyǵy salasynda 51 mlrd  200 mln teńgeniń ónimi óndirildi. Iаǵnı, taza túsim arǵy jylmen salystyrǵanda 2,5 mlrd teńgege artty. Istiń ilgerleýine memleket tarapynan jasalǵan qoldaý da uıytqy bolýda. Onyń ishinde etti, sútti mal basyn kóbeıtýge berilgen sýbsıdııa kólemi artyp, eginshilikti damytýǵa qarjylaı da, tehnıkalyq jaǵynan da demeý bolyp otyr.  Máselen, byltyr aýyl sharýashylyǵy salasyn damytýǵa bólingen 1 mlrd 130 mln teńgege qajetti tehnıka satyp aldyq, – deıdi Panfılov aýdanynyń ákimi Talǵat О́mirálıev.

Sońǵy jańalyqtar

ShQO-da turǵyndar evakýasııalandy

Aımaqtar • 09 Sáýir, 2021

Tasqyn qaýpi áýeden zertteldi

Aımaqtar • 09 Sáýir, 2021

Almatyda taý baýraıy otqa orandy

Aımaqtar • 09 Sáýir, 2021

Qazaqstandyq vaksına qashan daıyn bolady?

Qazaqstan • 09 Sáýir, 2021

Almatyda karantın kúsheıtile me?

Koronavırýs • 09 Sáýir, 2021

Uqsas jańalyqtar