Jyl basynan beri Esirtki qylmysyna qarsy is-qımyl basqarmasynyń qyzmetkerleri jedel-izdestirý is-sharalary men ǵalamtordy monıtorıngileý barysynda esirtki jáne psıhotroptyq zattardy taratýǵa qatysy bar 247 saıtty anyqtap, buǵattaýǵa baǵyttady.
– Sonymen qatar, ótken jyly sıntetıkalyq esirtki shyǵaratyn bes zerthana anyqtalyp, joıyldy. Barlyǵy esirtkini tikeleı baılanyssyz satýmen aınalysqan bes kúdiktiniń qatysýymen eki uıymdasqan qylmystyq toptyń qylmystyq áreketteriniń joly kesildi. Tutastaı alǵanda, esirtkiniń zańsyz aınalymy salasynda 400-den astam adam qylmystyq jaýapkershilikke tartyldy jáne uzaq merzimderge bas bostandyqtarynan aıyryldy, – dep qorytyndylady Almaty qalalyq Polısııa departamentiniń bastyǵy Qanat Taımerdenov.
