Negizgi ózgeristerdiń biri - Biryńǵaı aqparattyq júıeniń jumysyn retteý, qujattardy saqtaý men esepke alý úshin elektrondy muraǵat qalyptastyrý erejelerin qalyptastyrý bolyp tabylady.
Sıfrlandyrý baǵytyndaǵy ózgerister notarıaldyq qyzmetke de áser etedi. Tirkeý jumystary jeńil ári tıimdi ótýi úshin elektrondyq qujattar qaǵaz qujattarmen teń deńgeıde qarastyrylýy qajet bolady. Munyń bári qazirgi zamanǵy sıfrlyq tehnologııalardy qoldanýǵa jáne notarıat týraly zańnamadaǵy quqyqtyq olqylyqtardy joıýǵa múmkindik beredi.
«Túzetýler notarıat salasyndaǵy zańnamany odan ári jetildirý úshin, jeke jáne zańdy tulǵalardyń quqyqtary men múddelerin qorǵaýdyń júıesin qamtamasyz etý maqsatynda ázirlendi», - dedi komıtet tóraǵasy Vladımır Volkov.
Túzetýler qabyldanǵannan keıin notarıat qyzmetiniń tıimdiligi jáne saladaǵy zańdylyqtyń saqtalý deńgeıi artady dep kútilýde.
Zań jobasy Parlament depýtattarynyń bastamasymen ázirlengen bolatyn.
