«Pandemııaǵa baılanysty kúrdeli jaǵdaıdy eskere otyryp, Almaty qalasynyń ákimi Baqytjan Saǵyntaevtyń tapsyrmasy boıynsha COVID-19-ǵa qarsy kúreste MSAK róli kúsheıtildi.
«№32 qalalyq emhanaǵa» tirkelgen turǵyndar sany – 34 653 adam bolsa, onyń ishinde 11 811 bala, 22 842 eresek adam bar, onyń ishinde 70-ten asqandar – 2005. Emhananyń josparly qýattylyǵy aýysymyna 450 kelýshini quraıdy.
Medısınalyq jabdyqtardyń ishinen emhanada MRT, tuz shahtasy, lor-kombaın, elektroensefalograf, AQ jáne EKG holterlik monıtorleýge arnalǵan apparat, spırometr, stomatologııalyq qondyrǵy, EKG apparattary bar.
Emhanada KVI-men kúresý jospary ázirlendi, oǵan ınfeksııa kózine, qozdyrǵyshtyń berilý mehanızmine, áleýmettik sezimtal kontıngentke qatysty is-sharalar, sondaı-aq dári-dármekpen qamtamasyz etý jáne materıaldyq-tehnıkalyq jaraqtandyrý kiredi», - dedi bas dáriger.
Sondaı-aq densaýlyq saqtaý mınıstrliginiń 2020 jylǵy 13 tamyzdaǵy № 505 «COVID-19 kúdikti jáne aýrýy bar naýqastarǵa medısınalyq kómekti uıymdastyrý týraly» buıryǵyna sáıkes medısınalyq uıymdarda COVID-19 bar naýqastardy ambýlatorııalyq baqylaý boıynsha ýaqytsha mobıldi brıgadalar quryldy.
Búginde medısınalyq baqylaýda 23 adam bar, onyń ishinde oń nátıje rastalǵan – 21, pnevmonııamen – 9 adam jáne 3 bala, 65 jastan joǵary 5 pasıent bar. Qala stasıonarlarynda KVI-men 6 naýqas emdelýde.
Bul emhanada 14 qyzmetkerden turatyn 7 mobıldi top jumys isteıdi. Olardyń júktemesi epıdemııalyq jaǵdaıǵa jáne tirkelgen halyq sanyna baılanysty bólinedi. Bul brıgadalar jedel respıratorlyq aýrý belgileri bar jáne KVI kúdigi bar nemese koronavırýstyq ınfeksııasy bar naýqastarǵa úıde qyzmet kórsetý úshin qurylǵan.
Mobıldi brıgadalar medısınalyq qyzmetter keshenin kórsetedi (shaqyrýlarǵa qyzmet kórsetý, pasıentterge keńes berý (aýdıo-vıdeo), telemedısına ortalyǵymen jumys isteıdi, chek-paraqty toltyrýǵa úıretedi. Sondaı-aq, dári-dármekterdi úıge taǵaıyndaıdy jáne jetkizedi.
2020 jyldyń naýryz aıynan beri 316 pasıentke keńes berildi, onyń 286-sy PTR (KVI) oń nátıjesimen, 2021 jyldyń 1 qańtarynan bastap 26 pasıent baqylaýda. Onyń ishinde 23 pasıent KVI juqtyrǵan. Zamanaýı gadjetteri bar barlyq pasıenttermen beıne-qońyraýlar arqyly keńes berildi. Budan basqa, mamandar bıologııalyq materıaldardyń úlgilerin alýdy júrgizedi (2020 jyly 2171 pasıentten PTR alý júrgizildi, onyń ishinde oń mándi – 85 adam (4%) quraıdy, 2021 jylǵy 1 qańtardan bastap – 221 PTR alyndy, onyń ishinde oń mándi– 9 adam (4%) quraıdy. Sonymen qatar, dárilik zattardy taǵaıyndalady jáne úıge jetkiziledi.
«Ýaqtyly emdeý naýqasty tez ońaltady. Pandemııa kezeńinde 316 naýqasty mobıldi top qarap shyqty, olardyń 90%-dan astamy qalpyna keldi», - dedi bas dáriger.
MSAK mamandarynyń is-qımyl algorıtmi tómendegideı:
- baqylaý paraǵy boıynsha jalpy jaǵdaıdy baǵalaý úshin pasıentterge kúndelikti bir rettik qońyraý shalý (temperatýra, jótel, entigý, álsizdik jáne t.b.), satýrasııany ólsheý, ıaǵnı ókpeniń ottegimen qanyǵýyn (kún saıyn úıge baryp). Qajet bolǵan jaǵdaıda beıne keńes berý, biraq 3 kúnde 1 retten kem emes; kórsetkishter boıynsha beıindi mamandardyń konsýltasııalary júrgiziledi;
- eger pasıentte KVI belgileri bolmasa, onda baqylaý burynǵy rejımde jalǵasady-14 kúnge deıin, eger koronavırýstyq ınfeksııanyń belgileri paıda bolsa, pasıent dereý aýrýhanaǵa jatqyzylady.
«Aıta ketý kerek, bizdiń uıymda koronavırýstyq ınfeksııany emdeýge arnalǵan dári-dármekter jetkilikti mólsherde», dedi bas dáriger.
