Almaty oblystyq Polısııa departamenti baspasóz qyzmetiniń málimetinshe, 2020 jyldyń sáýir aıynda Almaty oblysyndaǵy saıajaılardyń birinde atys bolǵan. Osy faktige sáıkes QR QK 293 baby 3 tarmaǵy ıaǵnı, «Atys quralyn qoldana otyryp buzaqylyq jasaý» boıynsha is qozǵaldy. Jedel tekserý, izdestirý sharalary barysynda kúdikti anyqtaldy. Ol Shyǵys Qazaqstan oblysy Úrjar aýdanynyń 26 jastaǵy turǵyny bolyp shyqty.
Kúdikti atalǵan qylmysty jasaǵannan keıin oqıǵa ornynan qashyp ketken. 2020 jyldyń maýsym aıynda 26 jastaǵy turǵynǵa halyqaralyq izdeý jarııalandy. Sot sanksııasyna sáıkes, kúdikti ustalǵanda birden qamaýǵa alynýy kerek. Almaty oblysynyń Eńbekshiqazaq aýdanyndaǵy krımınaldyq polısııa bóliminiń tártip saqshylary kúdiktini tapqan. Alty aı izdeýde júrgen azamat Qarasaı aýdanyndaǵy alys týystarynyń úıinde jasyrynǵan. Polısııa kúdiktini ýaqytsha ustaý ızolıatoryna qamady.
