Jańa ortalyq óz ónimderin offlaın naryqtan onlaın naryqqa kóshirip jatqan shaǵyn jáne orta bıznes ókilderine qoldaý kórsetýdi kózdeıdi.
«Pandemııaǵa baılanysty oryn alyp jatqan shekteý sharalary jaǵdaıynda elektrondyq saýdany damytý mańyzdy. Qazir qoǵamdyq tamaqtaný nysandarynyń kópshiligi áleýmettik jelilerdegi elektrondyq saýda segmentine kóshti. Sýpermarketter men turmystyq tehnıka dúkenderi de óz taýarlaryn ınternet-dúkender arqyly saýdaǵa usynýda. Sondaı-aq, munda áleýmettik karta bar. Bul kartany áleýmettik mártebesine, jas ereksheligine qaramaı oblys turǵyndarynyń bári birdeı paıdalana alady», - dedi aımaq basshysy.
E-Sommerce ortalyǵy aldaǵy ýaqytta elektrondyq kommersııa salasyna qatysty semınarlar ótkizýdi josparlap otyr.
Qostanaı oblysy
