О́kinishke qaraı, eger úzilgen symdy jalǵaýǵa nemese aýystyrýǵa bolatyn bolsa, nervter zaqymdalǵan kezde, jaǵdaı qıynǵa soǵady.
«Ortańǵy qulaqta tez zaqymdanatyn bet nervteri ornalasady. Estý qabiletin jaqsartýǵa arnalǵan operasııalar jáne sozylmaly otıt kezindegi operasııalar dál osy ortańǵy qulaqta jasalady. Bet nervisiniń zaqymdanýy sal aýrýyna ákelýi múmkin. Bul degenimiz – pasıenttiń bet-álpeti qısaıyp ketedi: ol kúlýden, kózin jypylyqtatýdan jáne dám sezýden qalady. Bettiń jartysy sal bolyp qalady. Bul ómir sapasyna qatty áser etedi, psıhologııalyq turǵydan da qıyn», deıdi Prezıdenttik klınıkanyń dáriger-otorınolarıngology Aınur Nesipbaeva.
Álbette, sol nervti taýyp alyp, operasııa kezinde ony «aınalyp» ótpeske nege bolmaıdy degen saýal týýy múmkin. Búgingi tańda mundaı ádis tabylǵan jáne ony «ıntraoperasııalyq neırofızıologııalyq baqylaý» nemese qysqasha neıromonıtorıng dep ataıdy.
Prezıdenttik klınıkanyń neırofızıology Olga Ageevanyń aıtýynsha, qazir neıromonıtorıngsiz eshqandaı operasııa ótpeıdi. Sebebi bul ádis operasııa kezinde qaýipti «aýytqýlardy» kórsetip otyrady. «Qarapaıym sózben aıtqanda, operasııa kezinde neırofızıolog nerv pen bulshyqettiń belsendiligin eseptep, hırýrgtarǵa erekshe belgiler paıda bolǵan kezde sıgnal berip turady. Sıgnaldar hırýrgtardyń nervke jaqyn ekenin bildiredi: olar ol tusty aınalyp ótip, basqa, aıtarlyqtaı qaýipsiz tásildi tabýǵa tyrysady», deıdi O.Ageeva.
«Árıne, operasııa kezinde eger nervti kórip tursaq, ony aınalyp ótemiz. Al eger ózdigimizden taba almasaq, onda neıromonıtorıngti qoldanamyz. Bul ádis – detektor sııaqty. Ol bizge quddy bir «mına alańynan ótýge» jáne nervti zaqymdap almaýǵa múmkindik beredi», deıdi Aınur Ahmetqalıqyzy.
Bet nervteriniń paralıchinen qorqý qalypty jaǵdaı ekenin este saqtaǵan jón. Alaıda, bul qorqynysh naýqasty qajetti em alýdan bas tartqyzbaýy kerek. Qulaqpen baılanysty aýrýlar óte qaýipti: bul estý qabiletiniń joǵalýyna, menıngıtke, mıdyń abssesine jáne ólimge ákelýi múmkin. Sondaı-aq, neıromonıtorıng LOR operasııalarynan basqa da operasııalarda qoldanylady: «Monıtorıngtiń bul ádisi neırohırýrgııa, julyn hırýrgııasy, travmatologııa, jaq-bet jáne endokrındik hırýrgııada qoldanylady», dep tolyqtyrady Olga Vladımırovna.
