Táýelsizdik kúni qarsańynda «QazMunaıGaz» Barlaý О́ndirý» AQ Qarajanbas ken ornynda jańa óndiristik bazany paıdalanýǵa tapsyrdy. Nysan 250 avtokólik pen arnaýly tehnıkaǵa zamanaýı qyzmet kórsetýge arnalǵan. Sý jańa baza «Tehnologııalyq kólik jáne uńǵymalarǵa qyzmet kórsetý (TKjUQK)» JShS-niń jumysshylaryna qyzmet kórsetetin bolady. Onyń ashylý saltanatyna Mańǵystaý oblysynyń ákimi Alık Aıdarbaev pen ardager munaıshylar jáne bazanyń jumysshylary qatysty. «Naýryz aıynda bastalǵan qurylys uly mereke – Táýelsizdik kúni qarsańynda aıaqtalyp, paıdalanýǵa berilip otyr. Bul óndiristik baza sońǵy úlgimen jabdyqtalǵan, mamandardyń barlyǵy ózge qalalardan bilimderin jetildirip, oqyp keldi. Tolyqqandy jumys isteýge munda jan-jaqty jaǵdaı bar. Bul nysan «Qarajanbasqa» ǵana emes, basqa da munaı kompanııalaryna qyzmet kórsetetin bolady. Bolashaqta osyndaı úlken bazany Jańaózen qalasyndaǵy «О́zenmunaıgaz» AQ janynan ashýdy da josparlap otyrmyz», – deıdi oblys basshysy Alık Aıdarbaev.
Táýelsizdik kúni qarsańynda «QazMunaıGaz» Barlaý О́ndirý» AQ Qarajanbas ken ornynda jańa óndiristik bazany paıdalanýǵa tapsyrdy. Nysan 250 avtokólik pen arnaýly tehnıkaǵa zamanaýı qyzmet kórsetýge arnalǵan. Sý jańa baza «Tehnologııalyq kólik jáne uńǵymalarǵa qyzmet kórsetý (TKjUQK)» JShS-niń jumysshylaryna qyzmet kórsetetin bolady. Onyń ashylý saltanatyna Mańǵystaý oblysynyń ákimi Alık Aıdarbaev pen ardager munaıshylar jáne bazanyń jumysshylary qatysty. «Naýryz aıynda bastalǵan qurylys uly mereke – Táýelsizdik kúni qarsańynda aıaqtalyp, paıdalanýǵa berilip otyr. Bul óndiristik baza sońǵy úlgimen jabdyqtalǵan, mamandardyń barlyǵy ózge qalalardan bilimderin jetildirip, oqyp keldi. Tolyqqandy jumys isteýge munda jan-jaqty jaǵdaı bar. Bul nysan «Qarajanbasqa» ǵana emes, basqa da munaı kompanııalaryna qyzmet kórsetetin bolady. Bolashaqta osyndaı úlken bazany Jańaózen qalasyndaǵy «О́zenmunaıgaz» AQ janynan ashýdy da josparlap otyrmyz», – deıdi oblys basshysy Alık Aıdarbaev.
О́ndiristik baza qazirgi zamanǵy tehnologııalardy paıdalaný arqyly avtokólik quraldary men arnaýly tehnıkalarǵa ortalyqtandyrylǵan sapaly servıstik qyzmet kórsetýge, sondaı-aq, jumysshylardyń eńbek etý jaǵdaıyn jaqsartýǵa arnalǵan. Onyń qurylymyna jeńil, aýyr avtokólikter jáne avtobýstar sehy, bastyrma qalqandar, qoımalar, janarmaı saqtaıtyn qoıma, avtokólik janar-jaǵarmaı quıý stansalary kiredi. Sonymen birge, munda sý daıyndaý jáne órt sóndirý júıelerimen de tolyq qamtylǵan eken.
«QazMunaıGaz» Barlaý О́ndirý» AQ óndiristi jańǵyrtý baǵdarlamasyn iske asyrýdy jalǵastyrýda. Munda qyzmet kórsetý deńgeıi eýropalyq standarttarǵa saı keledi. Osyndaı jańalyq jumysshylardy qýanyshqa bólep otyr.
– Mine, búgin kópten kútken bazamyz ashyldy, bul biz úshin úlken qýanysh. Nysan munaı óndirý salasyndaǵy tehnıkalarǵa qyzmet kórsetedi. Munda 160-qa jýyq tehnıka bar, 500-ge tarta jumysshy eki aýysymda qyzmet etedi. Barlyq tehnıka sońǵy úlgimen jabdyqtalǵan. Al bul qurylǵylarmen jumys isteıtin jumysshylar Almaty qalasyna baryp oqyp keldi, – deıdi tehnologııalyq kólik sehynyń basshysy Berdihan Áreshov.
Dıagnostıkalaý sehynda avtomobılderdiń, olardyń agregattary men toraptarynyń tehnıkalyq jaǵdaıyna baǵalaý júrgiziledi. Tutastaı alǵanda, avtokóliktiń de, onyń bólikteriniń de aqaýsyzdyǵy men jumysqa qabilettiligin tekserý, aqaýlardy izdeý, jekelegen bólikter men jalpy alǵanda avtokóliktiń qaldyq resýrstaryn anyqtaý úshin bastapqy derekter aıqyndalady. Munda joǵarǵy qondyrǵylardyń jóndeýshisi bolyp qyzmet etetin Sándiǵalı Qosybaev bul qurylǵylarmen jumys isteý burynǵyǵa qaraǵanda áldeqaıda jeńil ekenin aıtady. Osy salada 32 jyldan beri eńbek etip kele jatqan Sándiǵalı da Almaty qalasynan bilimin jetildirip kelgen eken.
– Jańa qural-jabdyqtarmen jumys istep jatyrmyz. Eski men jańanyń arasynda biraz aıyrmashylyq bar. Buryn bárin qolmen jasaıtynbyz, qazir quraldardyń arqasynda jumys biraz jeńildedi, – deıdi Sándiǵalı Qosybaev.
Saǵyndyq RZAHMETOV.
Mańǵystaý oblysy.
