Pikir • 28 Qańtar, 2021

Joǵary oqý oryndaryna talap qataıtylady

65 ret kórsetildi

1948 jyly Adam quqyqtarynyń jalpyǵa birdeı deklarasııasy qabyldanǵan kezeńnen bastap, bilim alý – artyqshylyq retinde tanylýyn toqtatyp, quqyqtar sanatyna «qonys aýdardy». Sońǵy 70 jylda bilim de, oǵan degen kózqaras ta aıtarlyqtaı ózgeriske ushyrady. Bul rette Memleket basshysy Qasym-Jomart Toqaev Úkimettiń keńeıtilgen otyrysynda naq osy bilim salasyna qatysty keıinge qaldyrýǵa bolmaıtyn birqatar máselege toqtaldy.

 

El Prezıdenti óz sózinde jyl saıyn bólinetin 50 myń grant qajetti maman­dyqtar suranysyna sáıkes kelmeıtinine nazar aýdardy. Bul olqylyq bıýdjet qarjysynyń bosqa ketýine ákelip soǵady. Memleket qarjy salýǵa qyzyǵýshylyq tanytatyn mamandyqtardy tańdaý máselesi barǵan saıyn kúrdelene túsý­de. Bir jaǵynan, kóp jaǵdaıda balalaryn oqytý úshin aqsha tóleıtin ata-ana­lardyń dástúrli tásilderi bar. Ekinshi jaǵynan, eńbek naryǵynyń qury­lymy tez ózgerip, jańa, keıde túsinik­siz bolyp kórinetin mamandyqtarǵa sura­nystyń artýy baıqalady. Sonyń saldary­nan biz ýnıversıtetter usynatyn maman­dardyń ulttyq ekonomıkanyń naqty qajettilikterine sáıkes kelmeý problemasyna tap boldyq. Dástúrli kásip­terde de mamandar tapshylyǵy baıqa­lady. Buǵan pandemııa kezinde sura­nysqa ıe birqatar mamandyq boıyn­sha medısına qyzmetkerleriniń jetis­peýshiligi sezilgendigi aıǵaq.

Memleket basshysynyń Úkimet aldyna qoıǵan taǵy bir mindeti – qazaqstandyq joǵary bilimniń joǵary sapasyn qamtamasyz etetin sheshýshi sharalardy qabyldaý. Buǵan deıin sapasyz bilim berý qyzmetin usynatyn ýnıversıtetterdi jabý týraly sheshim qabyldanǵan bolatyn. Alaıda prosess baıaý júrýde. «Keıbir ýnıversıtetter ártúrli prosedýralyq áreketterdi qoldana otyryp, jabylý prosesin bir jarym jylǵa deıin «sozady» jáne osy baǵyttaǵy Bilim jáne ǵylym mınıstrliginiń sheshýshi qadamdaryna qarsy tutas aqparattyq naýqan júrip jatyr», dep atap ótti Memleket basshysy. Ulttyq statıstıkaǵa sáıkes, sońǵy úsh jylda eldegi ýnıversıtetterdiń sany azaıýdyń ornyna, 122-den 125-ke deıin ósken. Bul rette el Prezıdenti Úkimetke tıisti sharalardy qabyldaý, sonyń ishinde akademııalyq adaldyqty buzýshylyq pen sybaılas jemqorlyq quqyq buzýshylyqtarǵa qatysty ýnıversıtetterdiń jaýapkershiligin odan ári kúsheıtý, tipti lısenzııadan aıyrýǵa deıingi sharalardy qabyldaý týraly tapsyrmalar berdi.

Osy mańyzdy máselelerdiń barlyǵyn Úkimet jańa oqý jyly bastalǵanǵa deıin sheshýi kerek. 1 shildege deıin Úkimet qarjylandyrýdyń tásilderi, kezeńderi men kólemderi kórsetilgen egjeı-tegjeıli jol kartasyn ázirlep, usynady.

 

Zarema ShAÝKENOVA,

Prezıdent janyndaǵy Qazaqstan strategııalyq zertteýler ınstıtýtynyń dırektory

 

Sońǵy jańalyqtar

«Ýkaznoı molda»: Ol kim?

Rýhanııat • Búgin, 22:45

Qylań

Tanym • Búgin, 22:27

Ekpe saldyrýshylar sany artyp keledi

Aımaqtar • Búgin, 22:20

Saýran aýdanyna alǵashqy ákim taǵaıyndaldy

Taǵaıyndaý • Búgin, 15:52

Atyraý oblysynda 37 jańa mektep salynady

Aımaqtar • Búgin, 15:27

Jalaqysy kóp óńirler anyqtaldy

Qarjy • Búgin, 14:30

Veterınarlar qartaıyp barady

Qazaqstan • Búgin, 12:10

Uqsas jańalyqtar