Medısına • 28 Qańtar, 2021

Almatyda obyrǵa shaldyqqandar kóbeıgen

44 ret kórsetildi

О́tken 2020 jyly 14 myńnan astam naýqas Almaty onkologııalyq ortalyǵynda stasıonarlyq em qabyldady, dep habarlaıdy Egemen.kz

О́kinishke oraı, Almaty qalasynda onkologııalyq naýqastar sany 2019 jylmen salystyrǵanda 1733-ke adamǵa kóbeıgen. О́tken jyly bul kórsetkish 14546 naýqasty qurasa, 2019 jyly 12813 naýqas emdeldi. 2020 jylǵy kórsetkishter boıynsha qaterli isiktiń eń kóp taralǵan túri – sút bezi qaterli isigi, odan keıingi oryndarda ishek pen asqazan qaterli isikteri.

«Almaty onkologııalyq ortalyǵynyń hırýrgtary aptasyna 45-55 ota jasaıdy. Máselen, ótken jyly 2514 ota jasalǵan. Olardyń ishinde keýde qýysy, ish, onkoýrologııa, bas jáne moıyn isikterine arnalǵan otalar bar. Olardyń 40% ınvazıvti, ıaǵnı laparoskopııalyq jolmen jasalatyn otalar», - deıdi onkohırýrgııa bóliminiń meńgerýshisi Nurlan Baltaev.

Búginde almatylyq mamandar isikti joıý otalaryn jasap qana qoımaı, anatomııalyq aqaýlardy plastıkalyq jolmen joıýdy júzege asyryp júr. Máselen, byltyr tildiń túbiriniń qaterli isigi dıagnozy qoıylǵan naýqasqa ota ústelinde anatomııalyq aqaýlardy plastıkalyq jolmen joıa otyryp, kúrdeli ota jasalyndy. Otalaý bınokýlıarlyq optıka astynda 7 saǵatqa sozyldy. Kólemi 20 sm bolǵan isikti dárigerler terimen birge alyp tastady. Ota sátti ótip, naýqas qazirgi ýaqytta tek sóıleı ǵana emes, sonymen qatar ózdiginen tamaqtana alady.

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar