Depýtattyń aıtýynsha, usynylyp otyrǵan hattama Armenııa Respýblıkasyndaǵy konstıtýsııalyq ózgeristerge baılanysty kedendik tekseristen bosatylatyn laýazymdy qyzmet ıeleriniń tizimin keńeıtý, ıaǵnı Eýrazııalyq ekonomıkalyq odaqtyń Kedendik kodeksiniń 321 shi babyna ózerister engizip otyr.
- Alaıda zań jobasymen birge usynylyp otyrǵan qosymsha qujattarda, ulttyq zańnamany ratıfıkasııadan ótkeli otyrǵan hattamaǵa seıkestendirýge qatysty tolyq aqparattar men naqty usynystar joq, dedi ol.
Dana Nurjigit hattamada kórsetilgen laýazymdy qyzmet ıeleri «Qazaqstan Respýblıkasyndaǵy Keden isi týraly» Zańynyń 406-shy babynyń 2 tarmaǵynyń 5) tarmaqshasynda qarastyrylǵan tizimge kirmeı otyrǵanyn aıtady.
- Osyǵan oraı joba ázirleýshilerinen qaralyp otyrǵan zańjobasy boıynsha qosymsha aqparattardy suratýǵa májbúrmiz, dedi ol.
Osyǵan baılanysty senator «Ulttyq ekonomıka mınıstrligi - osy tárizdi zań jobalaryn ázirleý barysynda halyqaralyq mindetterdi qabyldaýdyń ulttyq zańnamaǵa qatysty qateri men áseri boljana ma?», degen saýal joldady.
Depýtattyń ekinshi suraǵy Ádilet mınıstrligine baǵyttaldy.
- Halyqaralyq sharttardy ratıfıkasııalaý boıynsha zań jobalaryn mazmundy jáne sapaly ázirleýdi kúsheıtýge baǵyttalǵan sharalar qabyldaý josparlaryńyzda bar ma? О́ıtkeni Konstıtýsııaǵa sáıkes dál osyndaı halyqaralyq sharttar ulttyq zańdarymyzdan basymdyǵy bar, dedi D.Nurjigit.
