«Shaǵyn jáne orta bıznesti qoldaý búkil álemde COVID-19 pandemııasynyń saldarynan ekonomıkany qalpyna keltirýdiń negizgi sharasy bolyp otyr. Biz ekonomıkany ártaraptandyrý jáne kásipkerlikti qoldaý salasyndaǵy ulttyq kún tártibin, ásirese ShOB-ty qarjylandyrýǵa qatysty baǵyttardy júzege asyrýda Qor arqyly Qazaqstan úkimetin qoldaýǵa daıynbyz», dep atap ótti Dúnıejúzilik banktiń Qazaqstandaǵy turaqty ókili Jan-Fransýa Marto Memorandýmǵa qol qoıý barysynda.
«Qor Dúnıejúzilik Banktiń qarjylandyrý mehanızmderin tabysty qoldanýdyń kóp jyldyq, aýqymdy álemdik tájirıbesine múddeli. Sondaı-aq COVID-19 pandemııasynan keıin qalpyna keltirý kezeńinde el ekonomıkasyna paıdasy tıetin birlesken jobalardy júzege asyrýdy kózdeıdi. Qor Dúnıejúzilik bankpen birlesip ShOB qoldaý boıynsha álemdik tájirıbeni qoldanýdy jalǵastyrady», dedi «Damý» Qorynyń Basqarma tóraıymy Gaýhar Býrıbaeva.
Osy arada, Dúnıejúzilik bank (DB) búkil álem boıynsha damýshy elderge qarjylyq jáne tehnıkalyq kómek kórsetetin mańyzdy uıymdardyń biri ekendigin eske sala ketý kerek. Dúnıejúzilik bank tobyna bes uıym kiredi: Halyqaralyq Qaıta Qurý jáne damý banki (HQDB), halyqaralyq damý qaýymdastyǵy (HDA), halyqaralyq qarjy korporasııasy (HQK), ınvestısııalarǵa kepildik berý jónindegi kópjaqty agenttik (HAJQ) jáne jahandyq aýqymda kedeılikti azaıtýǵa yqpal etetin ınvestısııalyq daýlardy retteý jónindegi halyqaralyq ortalyq (IDRHO).
