Aımaqtar • 28 Qańtar, 2021

Atyraý oblysynda 50 239 kásipkerlik nysany bar

25 ret kórsetildi

Bul týraly oblys ákimi Mahambet Dosmuhambetovtiń tóraǵalyǵymen ótken jıynda aıtyldy. Oblystyq ekonomıka jáne bıýdjettik josparlaý basqarmasynyń basshysy Azamat Sálimbaevtyń aıtýynsha, ótken jyly óńirdegi shaǵyn jáne orta kásipkerlik sýbektileriniń sany 50 239-ǵa jetip otyr, dep habarlaıdy Egemen.kz

«Byltyr pandemııa jaǵdaıyna qaramastan óńirde shaǵyn jáne orta kásipkerlik sýbektileriniń ósimi baıqaldy. Ásirese Atyraý qalasynda, Inder men Qyzylqoǵa aýdanynda artty. Sondaı-aq, 55,7 myń tonna et, 64,7 myń tonna sút óndirilip, aýyl sharýashylyǵy óniminiń qory ósti. Budan bólek, múıizdi iri qara, qoı men eshki, jylqy, túıe sany artyp otyr», deıdi Azamat Sálimbaev.

Onyń málim etýinshe, ótken jyly 24 044 jańa jumys orny quryldy. Onyń ishinde 15 400 turaqty jumys orny bar. «Jumyspen qamtý ortalyǵy arqyly 25 myńǵa jýyq adam eńbekke aralasty. Qoǵamdyq jumysqa 6 357 adam ornalastyrylsa, 663 adam áleýmettik jumystarǵa, 16 817 adam vakantty jumys oryndaryna jáne 1 081 túlek jastar tájirıbesine jiberildi.

Al «Eńbek» baǵdarlamasynyń baǵyttarymen 29 231 adam qamtyldy» deıdi ekonomıka jáne bıýdjettik josparlaý basqarmasynyń basshysy Azamat Sálimbaev. Oblys ákimi Mahambet Dosmuhambetov jumyssyzdyqtyń aldyn alý máselesine basa mán berip, osy baǵyttaǵy baǵdarlamalardyń oryndalýyn qadaǵalaýdy tapsyrdy. «Bıyl jumyssyzdyq deńgeıin 4,9 paıyzdan asyrmaý úshin naqty sharalar qabyldaý qajet. Turaqty jumys oryndaryn qurý josparyna sáıkes, ony 12 800-den asyrǵan jón. Sonymen qatar shaǵyn jáne orta kásipkerlik salasynda nysanaly kórsetkishterge qol jetkizýdi, salaǵa qatysty nysandardyń ýaqytyly paıdalanýǵa berilýin qadaǵalaýdy tapsyramyn» dedi Mahambet Dosmuhambetov. Oblystyq kásipkerlik basqarmasynyń basshysy Ábdýahıt Ábishevtiń aıtýynsha, bıyl 800 mln teńgeniń alty jobasyn iske asyrý josparlanyp otyr.

«О́ńirdiń ónerkásip óndirisi men ınvestısııa tartý kólemin arttyrý – asa mańyzdy. Azyq-túlik qaýipsizdigin qamtamasyz etý úshin aýyl sharýashylyǵy salasyna qoldaý jasalady. Osyǵan oraı aýyl sharýashylyǵy basqarmasy men Atyraý qalasynyń ákimine áleýmettik mańyzy bar azyq-túlik taýarlarynyń baǵasyna turaqty monıtorıng júrgizýdi tapsyramyn. Turaqtandyrý qory arqyly alynǵan ónimdermen qala jáne aýdan ortalyqtaryndaǵy iri saýda oryndary qamtamasyz etilýi kerek», dedi oblys ákimi.

Sońǵy jańalyqtar

Sáresiniń berekesi

Rýhanııat • Keshe

Pandemııa sabaqtary

Bilim • Keshe

Koreı tolqyny

Kıno • Keshe

Ulttyń uly ustazy

Rýhanııat • Keshe

Ilim adamǵa ne úshin qajet?

Rýhanııat • Keshe

«Ýkaznoı molda»: Ol kim?

Rýhanııat • Keshe

Dollar qaıta qymbattap jatyr

Ekonomıka • Keshe

Uqsas jańalyqtar