Ekonomıka • 28 Qańtar, 2021

Qazaqstanda zeınetaqy annýıtetiniń quny tómendedi

35 ret kórsetildi

«Qazaqstan Respýblıkasynda zeınetaqy annýıteti azamattar úshin aıtarlyqtaı qoljetimdi ári tartymdy bola tústi. Tolyǵyraq QR Qarjy naryǵyn retteý jáne damytý agenttigi Tóraǵasynyń orynbasary Marııa Hadjıeva aıtyp berdi» dep jazady Egemen.kz.

Ekonomıkalyq ósýdi qalpyna keltirý máseleleri jónindegi zań zeınetaqy annýıtetin berý qaǵıdalaryna biraz túzetýler engizdi. Negizgi jańalyqtar:

-        zeınetaqy annýıteti sharty boıynsha eń tómen tólem mólsherin eń tómen zeınetaqydan eń tómen kúnkóris shamasynyń 70%-na jaqyn ózgertýge;

-        keıinge qaldyrylǵan zeınetaqy annýıtetin saqtanýshynyń 45 jasynan bastap er adamdar úshin 55 jastan jáne áıelder úshin 52 jastan (keıinnen áıelderdiń jasyn 2027 jyly 55 jasqa deıin ulǵaıta otyryp) ómir boıy aı saıyn saqtandyrý tólemderin alý quqyǵymen jasaý múmkindigine qatysty boldy.

Zeınetaqy annýıteti aıtarlyqtaı arzandady. Máselen, 2020 jyly zeınetaqy annýıtetin jasaý úshin jetkilikti soma 55 jastaǵy er adamdar úshin 11,3 mln teńge, al 51,5 jastaǵy áıelder úshin  15,5 mln teńge bolsa, endi sol jastaǵy er adam annýıtetti 6,7 mln teńgege, al áıel adam 9,0 mln teńgege ala alady.

«Keıinge qaldyrylǵan zeınetaqy annýıtetin 55 jastan bastap tólemder alatyndaı bolyp, 45 jasta alǵan jaǵdaıda er adamda keminde  6,1 mln teńge, al áıelde 7,7 mln teńge bolýǵa tıis. Eger jalpy sıfrlardy alar bolsaq, búgingi kúni shamamen 61 myń adam 283 mlrd teńge somaǵa zeınetaqy annýıteti shartyn jasaǵan, sol arqyly olar ómirdi saqtandyrý jónindegi kompanııadan ózderine ómir boıǵy zeınetaqy tólemine kepildik aldy», dedi Marııa Hadjıeva.

BJZQ-da zeınetaqy jınaqtary jetkilikti qazaqstandyqtar ózderiniń zeınetaqy jınaqtarynyń bir bóligin turǵyn úı jaǵdaıyn jaqsartýǵa nemese emdelý aqysyn tóleýge paıdalanatynyn, ne aqshasyn zeınetkerlikke jınaqtaı beretinin ózderi sheshýge quqyly. Árıne, jınaq  aqshasynyń bir bóligin zeınetkerlikke shyqqanǵa deıin jumsaý kóbirek qyzyqtyrary sózsiz, biraq eńbek qyzmeti toqtaǵannan keıin kiristiń azaıatynyn da umytpaǵan jón.  Tıisinshe, zeınetaqy tólemderin alý joldary jaıynda zeınetaqy kapıtalyn qalyptastyrý kezinde, ıaǵnı jumys istep júrgen kezde oılaý kerek.

Qazaqstandyqtar zeınetaqy annýıtetin ómirdi saqtandyrý jónindegi kompanııadan (budan ári – О́SK)  satyp alý quqyǵyn paıdalana alady. BJZQ-dan tólenetin tólemder aldyn ala boljap bilýge bolmaıtyn jarnalardyń turaqty túsýine, mólsherine jáne ınvestısııalyq kiristiligine baılanysty, al zeınetaqy annýıteti belgili bir tólemderi bar qarjy quraly bolyp tabylady, ol naqty belgilengen mólsherde, kepildik berilgen kiristilikpen ómir boıy tólemder alýdy bildiredi.

«Zeınetaqy annýıtetteri boıynsha tólemderdi О́SK aı saıynǵy negizde, saqtanýshynyń búkil ómiri boıy júzege asyrady, bul rette tólemder jyl saıyn keminde 5%-ǵa ındekstelip otyrady. Budan basqa tólemderdiń kepildik berilgen kezeńi opsııasyn qosý múmkindigi bar, ol kezeń ishinde zeınetaqy annýıteti sharty boıynsha tólemder saqtanýshynyń tiri bolǵan-bolmaǵanyna qaramastan tólenedi», dedi Hadjıeva.

О́SK qyzmeti lısenzııalanady jáne ony memleket baqylaıdy. Zeınetaqy annýıtetteri boıynsha tólemderge «Saqtandyrý tólemderin kepildik berý qorynyń» qarajaty  esebinen kepildik beriledi, ol О́SK taratylǵan jáne bankrot bolǵan jaǵdaıda zeınetaqy annýıtetteri boıynsha tólemderdiń úzdiksiz bolýyn jáne saqtandyrý portfeliniń quramyna kiretin mindettemelerdiń sabaqtasa oryndalýyna múmkindik beredi. 

«Zeınetaqy annýıteti ónimderiniń túrlerin kóbeıtý maqsatynda 2021 jyly birlesken annýıtetterdi engizý josparlanyp otyr, ol zeınetaqy annýıteti shartyna bir adamnyń emes, erli-zaıyptylardyń nemese jaqyn týystardyń qatysýyn bildiredi. Birlesken annýıtet jaqyn týystardyń zeınetaqy jınaqtaryn biriktirýge jáne annýıtet sharty boıynsha kiristi qaıta bólýge múmkindik beredi. Mysaly, erli-zaıyptylardyń biriniń О́SK-den annýıtet satyp alýǵa zeınetaqy jınaǵy jetpeıtin bolyp, ekinshisinde artyq bolsa, birlesken zeınetaqy annýıteti arqyly ekeýine de ómir boıy tólemder tólenedi. Bul jańalyqtar zeınetaqy annýıteti shartyn zeınetaqy júıesi damyǵan memleketterdegi zeınetaqy josparlary sııaqty zeınetaqyny josparlaýdyń tıimdi quraly etedi dep  kútemiz. Bul azamattarǵa zeınetaqy tólemderiniń jolyn ózderiniń maqsattary men qajettiligine qaraı tańdaýyna múmkindik beredi» - dep qorytyndylady qarjy retteýshisi tóraǵasynyń orynbasary. 

 

 

 

Sońǵy jańalyqtar

Sáresiniń berekesi

Rýhanııat • Keshe

Pandemııa sabaqtary

Bilim • Keshe

Koreı tolqyny

Kıno • Keshe

Ulttyń uly ustazy

Rýhanııat • Keshe

Ilim adamǵa ne úshin qajet?

Rýhanııat • Keshe

«Ýkaznoı molda»: Ol kim?

Rýhanııat • Keshe

Dollar qaıta qymbattap jatyr

Ekonomıka • Keshe

Uqsas jańalyqtar