Áskerı ómirge qadam basqan jas jetkinshekter atalmysh jattyǵýlar barysynda atys qarýyn paıdalaný men durys dáldep atýdy úırendi. Atys jattyǵýynyń aǵa jetekshisi, maıor Saıat Moldahanov pen zapastaǵy kapıtan Medet Seıitqumarov, zapastaǵy aǵa leıtenant Darhan Qasymov kýrsanttardy atýdyń ádis-tásilderine baýlyp, qaýipsizdik erejeleriniń saqtalýyn jiti qadaǵalady.
Oblystyń ár óńirinen kelgen áskerı-tehnıkalyq mekteptiń kýrsanttary arasynan atys jattyǵýyn oryndaýda joǵary nátıjege qol jetkizgen 1-vzvod kýrsanttary Aqjol Qalymuly, Danııar Nurumqanov, Konstantın Skorıkov jáne 2-vzvod kýrsanttary Sergeı Nemchenko men Qanat Qusmanǵazınov boldy.
– Áskerı ómirdiń tynys-tirshiligine úırenip qaldyq. Búgin alǵash ret atys qarýyn qolymyzǵa alyp, jattyǵýlardy oryndadyq. Atys jattyǵýynyń nátıjesinde joǵary upaı jınap, jaqsy baǵa aldym. Qyryq kúndik kýrsty támámdaǵan soń kelisimshart boıynsha áskerı qyzmetke barý josparymda, dedi áskerı-tehnıkalyq mektebiniń kýrsanty Aqjol Qalymuly.
Bir aı ishinde standartty baǵdarlamalar boıynsha kýrsanttar ár túrli jattyǵýlarǵa qatysyp, biliktilikterin, bilimderin shyńdaı túspek.
О́SKEMEN
