Aımaqtar • 28 Qańtar, 2021

Deklarasııa tapsyrýdaǵy jańa ózgerister túsindirildi

47 ret kórsetildi

Qyzylorda oblysynda qala, aýdan ákimderi men oblystyq basqarma basshylaryna deklarasııa tapsyrýdaǵy jańa ózgerister túsindirildi, dep habarlaıdy Egemen.kz

Oblys ákimdiginde ótken semınarda memlekettik qyzmetti ótkerý jáne memlekettik qyzmetshilerdiń mindettemelerine qatysty birqatar zańnamalyq aktilerge engizilgen ózgerister talqylandy.

Memlekettik qyzmet isteri agenttiginiń Qyzylorda oblysy boıynsha departamentiniń basshysy Rafhat Bısenovtiń tóraǵalyǵymen ótken semınarǵa oblystyq basqarma basshylary jáne beınebaılanys arqyly qala, aýdan ákimderi qatysty.

Semınarda R.Bısenov memlekettik qyzmetshilerdi rotasııalaý jáne konkýrssyz aýysý qaǵıdalaryna engizilgen ózgerister týraly jan-jaqty túsindirdi.

-«Rotasııa qaǵıdalaryna engizilgen ózgeristerge sáıkes rotasııalanýǵa jatatyn tulǵalar qataryna saıası qyzmetshiler men «A» korpýsynyń ákimshilik memlekettik qyzmetshileri qosyldy jáne laýazymda bolý merziminiń ýaqyty 8 jylmen shekteldi. Sonymen qatar, laýazymǵa taǵaıyndaıtyn eki tulǵanyń kelisimimen «óńir-óńir» prınsıpimen rotasııalaý múmkindigi berildi», dedi R.Bısenov.

Budan bólek, mindetti emes rotasııalaný qarastyrylǵan. Iаǵnı «B» korpýsynyń tómengi laýazymdary arasynda úsh jyl ótili bar qyzmetshilerdi ózara kelisimi boıynsha rotasııalaýǵa bolady. Rotasııa tek ártúrli ákimshilik-aýmaqtyq birlikter arasynda júrgiziledi.

Jıyn barysynda, 2020 jylǵy 19 jeltoqsandaǵy Qazaqstan Respýblıkasynyń keıbir zańnamalyq aktilerine qylmystyq proseste azamattardyń quqyqtaryn qorǵaýdy jáne sybaılas jemqorlyqqa qarsy is-qımyldy kúsheıtý máseleleri boıynsha engizilgen ózgerister men tolyqtyrýlar týraly QR Sybaılas jemqorlyqqa qarsy is-qımyl agenttiginiń Qyzylorda oblysy boıynsha departamentiniń Prevensııa jáne parasattylyq basqarmasynyń basshysy Ǵalııa Álimqulova túsindirme berdi.

Bıylǵy 1 qańtardan bastap qoldanysqa engizilgen jalpyǵa birdeı deklarasııalaýdyń alǵashqy kezeńi týraly oblystyq memlekettik kirister departamenti basshysynyń orynbasary Nurlybek Bımyrzaev habarlama jasady.

Oblys boıynsha birinshi kezekte jalpyǵa birdeı deklarasııa tapsyratyn 16847 adam bar.  Aıta ketý kerek, deklarasııa 2020 jylǵy 31 jeltoqsandaǵy jaǵdaı boıynsha 250.00-nysanda, turǵylyqty jeri boıynsha tapsyrylady.

Deklarasııany qaǵaz jetkizgishte aǵymdaǵy jylǵy 15 shildeden keshiktirmeı, elektrondy túrde 15 qyrkúıekten keshiktirmeı tabys etý kerek.

Bul baǵyttaǵy túsindirme jumystary oblystaǵy barlyq memlekettik organdardyń qyzmetkerlerine júrgiziletin bolady.

Sońǵy jańalyqtar

Italııada toǵyz júlde aldyq

Sport • Búgin, 10:10

«Barys» utylyp qaldy

Sport • Keshe

Eldos Smetov kúmis aldy

Sport • Keshe

«Qaırat» – qola júldeger

Aımaqtar • Keshe

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Baǵdat Mýsın Shymkentke bardy

Aımaqtar • 05 Naýryz, 2021

Almatyda gashısh satqan azamat ustaldy

Qoǵam • 05 Naýryz, 2021

Uqsas jańalyqtar