Saltanatty rásimge jınalǵandardy «Nur Otan» partııasy oblystyq fılıalynyń tóraǵasy Eldar Kúzenbaev quttyqtady.
«Búgin osy jerde jınalyp, partııamyzdyń tóraǵasy atynan alǵys hat alý árkimge mártebe dep bilemin. Jáne bul sizderdiń atqarǵan zor eńbekterińizdiń arqasy. Bir aı ýaqyt kóleminde kún-tún demeı ter tógip, elimiz úshin aıanbaı eńbek etkenderińizge kóp rahmet. Degenmen bul úlken joldyń basy,áli de baǵyndyrar belesterimiz jeterlik. Alda halyqqa bergen ýádemizdi oryndaý mindeti tur. Osy rette bárimiz birigip áli de talaı jumys atqaratynymyzǵa senimdimin», dedi E.Kúzenbaev.
Jınalǵanda tarapynan sóz sóılegen halyq aqyny, aıtysker Ásııa Berkenova partııa basshylyǵyna, Elbasy Nursultan Ábishulyna rızashylyǵyn bildirdi.
«Nur Otan» – halyqtyń partııasy. Árdaıym halyq qamy úshin aıanbaı eńbek etetin azamattardy sizderdiń qatarlaryńyzdan kóremiz. Az da bolsa qosqan úlesimizdi kópteı kórip, bizdi árdaıym qoldap júrgenderińiz úshin rahmet», dedi Ásııa Berkenova.
Qostanaı oblysy
