Qurlyqtyq Lıga aıasynda elordalyq klýb jergilikti «Neftehımık» komandasymen jolyqqan. «Barys» sapynan Dmıtrıı Shevchenko, Egor Petýhov jáne Iаkob Lılıa mergendigimen kózge tústi. Sońǵysy dýbldiń avtory atandy. Al alań ıeleri eń sońǵy mınýtta bir shaıba soǵyp úlgerdi. Osylaısha 4:1 esebimen qazaqstandyq klýb jeńiske jetti jáne sonyń arqasynda týrnır tizimindegi jaǵdaıyn jaqsartty. Iаǵnı «Barys» qazir 59 upaımen Shyǵys Konferensııasynyń 8-satysynda tur. Odan joǵary ornalasqan 2 komandanyń upaı kórsetkishi de osyndaı. Iýrıı Mıhaılıs baptaıtyn jigitter endi erteń «Salavat Iýlaev» komandasymen jolyǵady.
