Eraly Toǵjanov Aqparat jáne qoǵamdyq damý mınıstrliginiń keńeıtilgen alqa otyrsynda: «Ásirese, «halyq únine qulaq asatyn memleket» tujyrymdamasyn júzege asyrý eń aldymen mınıstrliktiń tikeleı qyzmetine baılanysty. Der kezinde halyqqa jetkize bilý, halyqqa túsindire bilý mańyzdy. Osy oraıda qıyn jaǵdaıda eshteńe jasyrylǵan joq, barlyǵy elge jarııalandy», dep aıtyp ótti.
Osy oraıda Eraly Toǵjanov atalǵan mınıstrlik tarapynan aýqymdy jumystar atqarylǵanyn jetkizdi.
«Aqparat salasynda jumys isteıtin barlyq azamattarǵa alǵys aıtýǵa ruqsat etińizder. Qıyn jaǵdaıda birde-bir azamat keıin tartpady. Osy kezeńde eshqaısysy basyn buǵyp qalmady, tikeleı atsalysty», dedi Úkimet basshysynyń orynbasary.
Sonymen qatar Úkimet basshysynyń orynbasary volonterlik baǵytta kóptegen is-sharanyń atqarylyp jatqanyn basa aıtty.
«Osyǵan oraı Prezıdenttiń tikeleı tapsyrmasymen tıisti jumystar júzege asyryldy. Bul jumysty ary qaraı jalǵastyrýǵa qatysty tapsyrmalar berildi, sondyqtan osyny iske asyratyn bolamyz», dedi Eraly Toǵjanov.
Eske sala keteıik, búgin Aqparat jáne qoǵamdyq damý mınıstrliginiń keńeıtilgen alqaly otyrysy ótti.
