Jandarbek Bekshınniń aıtýynsha, Almatyda vırýs juqtyrý kórsetkishi azaıyp keledi.
«Almaty qalasynyń qyzyl aımaqqa kirýine baılanysty jańa shekteýler qabyldandy. Aýrýdyń aptalyq kórsetkishi 54,2 bolyp tur. Qalypty jaǵdaıda 100 myń adamǵa 50 jaǵdaı bolady. Iаǵnı ındeks boıynsha aýrýshańdyq 1-den asyp tur. О́tken táýlikte 53 jaǵdaı tirkeldi. Osylaısha koronavırýs aýrýynyń azaıǵany baıqalyp otyr», dedi Bekshın.
Aıta ketý kerek, Almaty qalasy qyzyl aımaqqa enýine baılanysty qalalyq Sanıtarııalyq-epıdemııalyq baqylaý departamentiniń basshysy, qalanyń bas memlekettik sanıtar dárigeri Jandarbek Bekshın jańa qaýly qabyldaǵan edi.
Qaýlyǵa sáıkes saýda, oıyn-saýyq ortalyqtary men bazarlar senbi-jeksenbi kúni jumys istemeıdi.
Al kınoteatrlar men teatrlardyń jumysy ýaqytsha toqtatyldy.
Sonymen qatar, jańa qaýlyǵa sáıkes endi koronavırýs juqtyrǵan adamdar aýrýhanaǵa jatyp emdeledi.
