Úsipbekov búginge deıin bas bapker mindetin atqarǵan Andreı Glýshenkonyń ornyn basty. Buǵan deıin ol jasóspirimder quramasynda jattyqtyrýshylyq qyzmette bolǵan. Nurjan Baqytuly Úsipbekov trıatlonnan sport sheberi ári Qazaqstan chempıonattarynyń júldegeri. Bapkerlik qyzmettegi eńbek ótili 11 jyldy quraıdy.
«Andreı Glýshenkonyń jetekshiligimen Qazaqstan komandasy kóptegen jetistikterge jetti. Degenmen, Olımpıada qarsańynda bizge áli de kóp jumys isteý qajet. Eń basty maqsat – lısenzııa jeńip alý. Sondaı-aq, biz qyrkúıek aıynda Nur-Sultanda ótetin Azııa chempıonatynda jeńis tuǵyrynan kórinýdi kózdep otyrmyz. Bul bas bapker retinde maǵan úlken jaýapkershilik júkteıdi. Osy oraıda, biz jaqsylyqtan úmittimiz. Tokıoda ulttyq quramaǵa jankúıer bolyp, Azııa chempıonatynda jeńiske jetemiz degen senimdemin. Maǵan kórsetilgen senim úshin alǵysym zor», - deıdi Nurjan Úsipbekov.
