Oqıǵa 2021 jyldyń 28 qańtarynda boldy. 20 saǵat 40 mınýtta Pavlodar oblysy TJ departamentiniń «112» pýltine «Saryarqa» qonaq úıinen habarlama kelip tústi. Qonaq úı ákimshisiniń aıtýynsha, er adam osy qonaq úıde turatyn tórtinshi qabattan lıft shahtasyna qulap ketken.
TJD baspasóz qyzmetiniń málimetinshe, oqıǵa ornyna quramynda 5 adam bar qutqarýshylar dereý shyqty jáne quraldardyń kómegimen túrli jaraqat alǵan zardap shegýshini lıft shahtasynan shyǵaryp aldy. Odan keıin 1987 jyly týǵan er adam jedel járdem qyzmetkerlerine tapsyryldy.
Oblystyq densaýlyq saqtaý basqarmasynyń málimeti boıynsha zardap shekken azamattyń jaǵdaıy ortasha aýyr dep baǵalanýda.
«Jabyq bas súıek-mı men omyrtqa jaraqaty tirkelgen. Keýde qýysynyń eki jaǵy zaqymdanǵan. Kompıýterlik tomografııa jasaldy. Medısına qyzmetkerleriniń baqylaýyna alynǵan. Tıisti saraptamalar júrgizilýde», - deıdi vedomstvo ókilderi.
