О́ńir ákimi Serikbaı Trumov, energetıka mınıstri Nurlan Noǵaev, aýyl sharýashylyǵy mınıstri Saparhan Omarov, ekologııa, geologııa jáne tabıǵı resýrstar mınıstri Maǵzum Myrzaǵalıev, eńbek jáne halyqty áleýmettik qorǵaý mınıstri Serik Shápkenov, ındýstrııa jáne ınfraqurylymdyq damý birinshi vıse-mınıstri Qaıyrbek О́skenbaev, qarjy birinshi vıse-mınıstri Berik Sholpanqulov, mádenıet jáne sport vıse-mınıstri Ǵabıdolla Ábdirahymov, Premer-Mınıstrdiń orynbasary Roman Sklıar baıandama jasady.
Jańaózen qalasynda qýattylyǵy 1 mlrd tekshe metrge deıin bolatyn jańa gaz óńdeý zaýytyn salý, óńirdiń qoldanystaǵy magıstraldyq jáne taratýshy gaz jelilerin rekonstrýksııalaý máseleleri talqylandy.
Mańǵystaý oblysynyń halqyn aýyz sýmen qamtamasyz etý sheńberinde «Kaspıı» tushylandyrý zaýytyn qaıta jańartý jáne keńeıtý (ónimdiligi táýligine 40 myń tekshe metrge deıin arttyrylatyn bolady), «Qarajanbas» qýatyn táýligine 17 myń tekshe metrge ulǵaıtý, Jańaózen qalasyn sýmen qamtamasyz etý máselelerin sheshetin jáne qýaty táýligine 50 myń tekshe metrge jetetin «Kendirli» tushylandyrý zaýytyn salý júzege asyrylady. Qosymsha sýmen jabdyqtaý men kárizdiń jańa jelileri salynady, KTQ qaıta jańartylyp, jalpy qýaty táýligine 70 myń tekshe metrge deıin jetkiziledi.
Bıyl «Aqtaý-Fort Shevchenko» jolyn qaıta jańartýdy aıaqtaý josparlanýda, qajetti ınjenerlik kommýnıkasııalardy júrgize otyryp, 1,3 mln sharshy metr turǵyn úı salynatyn bolady.
2021 jyldyń naýryz aıynda «Qoshqar-Ata» qaldyq qoımasyn qalpyna keltirý bastalady. Joba úsh jyl ishinde aıaqtalady jáne tarıhı qaldyqtardy ornalastyrýmen baılanysty ekologııalyq problemany sheshýge múmkindik beredi.
Mańǵystaý oblysynyń azyq-túlik qaýipsizdigin arttyrý máseleleri qaraldy. О́ńirde birqatar AО́K ınvestısııalyq jobalary iske asyrylýda. Sonyń biri — qýaty jylyna 5 myń tonna qus etin óndiretin «Aqtaý agro» jobasy. Ony a. j. II toqsanynda iske qosý josparlanǵan. Jobany júzege asyrý óńirdiń qus etimen qamtamasyz etilýin 45%-ǵa deıin arttyrýǵa múmkindik beredi.
Mańǵystaý oblysynyń halqynyń jumyspen qamtylýyn qamtamasyz etý jáne tabysyn arttyrý, eńbek naryǵynyń qazirgi jaǵdaıyn eskere otyryp, týrıstik sektor úshin jergilikti kadrlardy daıarlaý máseleleri talqylandy.
2020 jyldyń qorytyndysy boıynsha Mańǵystaý oblysynyń negizgi kapıtalyna salynǵan ınvestısııalar 2019 jylmen salystyrǵanda 2,9%-ǵa – 576,4 mlrd teńgege deıin ósti. Qurylys jumystarynyń kólemi 206,3 mlrd teńgeni qurady (+12,2%), 1,19 mln sharshy metr turǵyn úı paıdalanýǵa berildi (+1,5%).
Mańǵystaý oblysy Qazaqstannyń perspektıvaly týrıstik aımaqtarynyń TOP-10 quramyna kiredi. 2020 jyly týrızm salasyndaǵy negizgi kapıtalǵa salynǵan ınvestısııalar kólemi 71,8 mlrd teńgege jetti. Bıyl Mańǵystaý oblysynyń týrıstik ınfraqurylymyn damytýǵa 400 mlrd teńgeden astam ınvestısııa tartý kózdelgen.
«Jańa jumys oryndaryn qurýǵa, halyqtyń turmys sapasy men ál-aýqatyn arttyrýǵa yqpal etetin damýdyń jańa jobalaryna ınvestısııalar tartý kólemin ulǵaıtý qajet», — dedi A. Mamın.
Jumys sapary aıasynda A. Mamın Aqtaý qalasynyń kýrorttyq aımaǵyn damytý jobalarynyń (Fairmont, Double Tree by Hilton, Aqualina Resort brendterimen qonaq úıler, taqyryptyq oıyn-saýyq parki) iske asyrylýyn tekserip, josparlanǵan ınfraqurylym qurylysynyń ýaqytyly aıaqtalýyn qamtamasyz etýdi tapsyrdy.
