El táýelsizdiginiń 30 jyldyǵyna oraı uıymdastyrylyp otyrǵan kórmege «Etjeńdi «Egemen Qazaqstan» jınaǵynyń ár jyldary jaryq kórgen birneshe tomy, gazetimizdiń 100 jyldyq mereıtoıyna arnalǵan «Júz jyldyq jylnama» 5 tomdyǵy, «Egemen Qazaqstannyń» 1991 jyldan bergi nómirleriniń tigindileri, sondaı-aq elimizdiń bas basylymynda jarııalanǵan óńir damýyna qatysty salmaqty maqalalar jınaǵy qoıylǵan.
– Jaqynda ǵana qolymyzǵa tıgen «Júz jyldyq jylnama» 5 tomdyq jınaǵyn oqyp otyryp, Tobyl – Torǵaı óńiriniń damý tarıhyna qatysty kóptegen qundy materıaldardy taptyq. Mysaly, 1919 jyly «Ushqyn» degen atpen shyǵyp turǵan bas basylymnyń birneshe sanynda sol kezde Chelıabi gýbernııasynyń quramyna enip kete jazdaǵan Qostanaı ýıezin alyp qalý jolyna bas tikken Ahmet Baıtursynuly, Eldes Omaruly sııaqty alash zııalylarynyń eńbekterin baıandaıtyn birneshe maqala bar. Torǵaıdaǵy ashtyq, Qostanaı óńirindegi jer, eginshilik máselelerine qatysty da tarıhı materıaldar jeterlik. «Eńbekshil qazaqtaǵy» Bı-aǵa jazǵan maqalalardyń ózi bir tóbe, – dedi kitaphana dırektory Darıha Dúısebaeva.
Uıymdastyrýshylardyń aıtýynsha, «Egemen Qazaqstan» jáne óńir shejiresi» kórmesi naýryz aıyna deıin jumys isteıdi.
Qostanaı oblysy
