Shymkent qalasynyń ákimi Murat Áıtenovke Tabıǵı resýrstar jáne tabıǵat paıdalanýdy retteý basqarmasynyń basshysy Ahmet Tatybaev qalany kógaldandyrý strategııasynyń jobasyn usyndy. Onda saıabaq pen gúlzarlardy abattandyrý, eskertkishter, aǵash kóshetterin ósirý, qurylys jáne qaıta jańartý sekildi negizgi máseleler qarastyrylǵan.
Strategııaǵa sáıkes, 8 negizgi saıabaqty qaıta qurý jospary daıyndaldy. Odan bólek 39 gúlzar abattandyrylady. Qala aýmaǵyndaǵy eskertkishterdi de retke keltirý, Qoshqar ata ózeni mańyndaǵy balalar basseınin qalypqa keltirý de josparǵa engizilgen.
Jobaǵa saı 8,2 gektar aýmaqqa 1 mıllıon túp aǵash kóshetteri ósiriledi. Ár aýdannan 10 gektar jer bólinip, jalpy 40 ga aýmaqqa jasyl aımaq qurý kózdelip otyr. Olarǵa sýarý júıeleri de ornatylady.
Sonymen qatar, Memleket basshysynyń tapsyrmasyna sáıkes, Shymkent qalasynda jasyl beldeýdi damytý maqsatynda is-sharalar jospary bekitilgen. Osyǵan oraı aǵashtardy elektrondyq esepke alý júıesin engizý men aýdandar bólinisinde qala boıynsha túgendeý júrgizý qolǵa alynady. 2025 jylǵa deıin Shymkentte jasyl aımaqty 21544 ga deıin ulǵaıtý josparlanǵan. Onda 6,5 mln. dana aǵash-butalar ósiriletin bolady.
Jıyndy qorytyndylaǵan qala ákimi shahardy jasyl qalaǵa aınaldyrýdyń strategııasyn jasaýdy jáne máslıhat qaraýyna usynýdy tapsyrdy.
