Tekserý nátıjesinde zań buzýshylyqtar eki mektepte anyqtaldy. Bir bilim berý mekemesinde dálizder men baspaldaq alańdarynda áleýmettik qashyqtyq belgileri bolmaǵan jáne oqý sabaqtaryn júrgizý rejımi saqtalmady (sabaq jáne úzilis ýaqyty eki synyp úshin birdeı boldy). Basqa tekserilgen bilim berý obektisi boıynsha kvarstaý erejesi saqtalmaǵan, dep habarlaıdy SEQD baspasóz qyzmeti.
Monıtorıng tobynyń ókilderi barlyq mektep ákimshiligimen sanıtarııalyq-aǵartý jumystaryn júrgizdi. Buzýshylyqtar anyqtaldy, olardy joıýǵa múmkindikter bar.
Sondaı-aq osy kúnderi mektepterge jospardan tys tekserýler de júrgizildi. Tekserý nátıjesinde qyzmetkerler men oqýshylardyń maska rejımi men áleýmettik araqashyqtyqtyń saqtamaǵandyǵy, sondaı-aq synyp bólmelerinde jeldetý rejımi saqtalmaýy jáne taǵy basqa da buzýshylyqtar anyqtaldy.
Jospardan tys tekserý barysynda anyqtalǵan buzýshylyq faktileri boıynsha 379 210 teńge mólsherinde 2 aıyppul salyndy, buzýshylyqtardy joıý týraly uıǵarym berildi.
