Eldi mekendegi indetti juqtyrý kórsetkishteri oblystyq deńgeıden asyp ketken. Sóıtip, mamandar vırýs oshaǵyn zararsyzdandyryp, qyzmetkerler men qarttardy PTR testileýden ótkizedi. Sondaı-aq bılik bul óńirge 6 aqpannan bastap qatańdatylǵan karantındik sharalardy engizbek.
Osyǵan oraı eldi mekende mektepke deıingi mekeme, bilim salasyna qatysty túrli úıirmeler, sporttyq jattyǵý zaldary men mádenı nysandardyń jumysy toqtaıdy, ári mektepter qashyqtyqtan oqytý júıesine kóshedi. Demalys kúnderi monsha, saýna, bazar jumystaryna tyıym salynady. Mundaǵy ekinshi deńgeıli bankter, poshta bólimsheleri, notarıýs, lombard, saqtandyrý kompanııalary, shaǵyn kredıttik uıymdar aldyn ala jazylý ádisimen saǵat 09:00 – 16:00 aralyǵynda ǵana jumys isteıdi.
О́kinishke qaraı, Shaqandaǵy qarttar úıinde koronovırýsty 70 qarııa jáne 26 qyzmetker juqtyrǵan.
«Qazirgi ýaqytta aýrý oshaǵy tolyq joıyldy. Syrqatty juqtyrǵandar men olarmen aralasqan adamdar anyqtalyp tekserilip jatyr. Al mekemede dezınfeksııalyq sharalar júrgizilip, naýqastarǵa kómek kórsetilip jatyr», dep málimdedi Taýarlar men kórsetiletin qyzmetterdiń sapasy men qaýipsizdigin baqylaý departamentiniń resmı ókili Aıgúl Shatekova.
