Aıta keteıik, 2020 jylǵy jumys qorytyndysy Almaty ákimi Baqytjan Saǵyntaevtyń jáne QR Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsınniń qatysýymen ótken IT-keńeste jasaldy. «2020 jyly mindetterdiń bir bóligi bilim berý jáne sport salalaryndaǵy IT-sheshimderdi otandyq jetkizýshilerdi izdeýge, sondaı-aq turǵyn úı - kommýnaldyq sharýashylyq salasyn avtomattandyrýǵa degen qajettilikti anyqtaýǵa baǵyttaldy», - dep atap ótti B.Qońyrbaev.
IT-Keńes jumysynyń qorytyndysy boıynsha Almaty ákimi men SDIAО́M basshysy «Zerde» holdıngimen birlesip ázirlengen Almatynyń AT-arhıtektýrasyn qalyptastyrýdyń maqsatty josparyna qol qoıdy. Nysanaly josparǵa sáıkes bilim berý salasy úshin 25 otandyq IT-kompanııa, 17 bilim berý platformasy jáne jabdyqtar men baǵdarlamalyq qamtamasyz etýdiń 8 jetkizýshisi anyqtaldy.
Sport salasynda-sporttyń mindetterine qaraı beıimdeýge bolatyn 9 otandyq IT-kompanııa jáne 6 bilim berý platformasy bar. TKSh salasynda kommýnaldyq qyzmetterdi barlyq jetkizýshiler boıynsha elektrondyq qujat aınalymynyń biryńǵaı júıesin engizý jáne basqa vedomstvolardyń tıisti derekqorlarymen ıntegrasııalaý arqyly turǵyn úı ıeleri boıynsha derekterdi ózektendirý qajettiligi anyqtaldy.
«Halyq únine qulaq asatyn memleket» tujyrymdamasyn iske asyrý boıynsha offlaın rejımde kórsetiletin qyzmetterdi, atap aıtqanda, múmkindigi shekteýli adamdar úshin sıfrlandyrý josparlanýda. 2021-2023 jyldary turǵyndardan «barlyq saýaldar bárine kórinedi» qaǵıdaty boıynsha ashyq suraýlardy jınaý jáne óńdeý boıynsha jobany jańǵyrtý kózdelgen, onyń ishinde suraýdyń tarıhy men mártebesi, jaýap jáne jaýapty qyzmetkerdiń ESQ-sy da bar.
«Aqyldy qalanyń» ortasha merzimdi bastamalary «aqyldy» esepteýishtermen qamtýdy ulǵaıtýdy, kommýnaldyq jelilerdiń energııa tıimdiligin basqarý jónindegi zııatkerlik júıeni engizýdi, Almaty qalasynda «sıfrlyq nusqasyn» qurýdy kózdeıdi. Sondaı-aq, sıfrlyq transformasııa prosesterine halyq pen bıznesti tartý deńgeıin arttyrý, memlekettik organdarmen ózara is-qımyl, Almatynyń IT-sektoryna tikeleı ınvestısııalar tartý, bıznes-perishteler klýbtaryn damytý jáne halyqaralyq yntymaqtastyq máseleleri qaraldy.
