«Keıde Keńestiń jabyq esikteriniń artynda bes eldiń «batyrlar shaıqasy» órship turady, sol sebepti elder ózderiniń ulttyq múddelerin qulshynyspen qorǵaıdy», deıdi Baqyt Sultanov.
Mınıstr osy rette birneshe ret dıplomatııalyq qupııalardyń perdelerin ashýǵa tyrysqanyn, Qazaqstan úshin mańyzdy pozısııalar úshin qalaı kúresetinin de aıtyp ótipti.
«Jalpy, juma kúni óte qyzýly kezdesý bolady. Taǵy bir mańyzdy oqıǵa josparlanýda. EAEO tarıhynda birinshi ret Eýrazııalyq ekonomıkalyq komıssııa alqasynyń barlyq músheleri (EEK mınıstrleri) bizdiń bes eldiń jýrnalısterine esep beredi», deıdi mınıstr.
Sondaı-aq mınıstr mundaı úlken jıyndar aldynda áleýmetpen tildesý ıdeıasy Prezıdentimiz Toqaevqa tıesili ekenin aıta ketipti.
– Eýrazııalyq bestiktiń memleket basshylarynyń kezdesýinde Prezıdentimiz Komıssııanyń mınıstrlerine ulttan tys sheneýnikter ekenin aıtyp, «halyqpen kezdesý» kerektigin eskertti. Shyndyǵynda barlyq shaǵymdardy jýrnalısterden artyq kim biledi? – dep oıyn túıindepti mınıstr.
Sonymen mınıstr Baqyt Sultanov aıtyp ótkendeı, pandemııa jaǵdaıyna qaramastan ótkeli turǵan «Bes eldiń batyrlarynyń» shaıqasynda qaı eldiń bási basym bolaryn búgin-erteń biletin bolamyz.
